Mat. 23:5 - Tampulma

⁵ Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.

Mat. 23:5 Marejeleo ya Msalaba

Mat. 9:20

Haan digi funɛ nyɛn dooni a kpak wichɔɔr digi bun fidalɛ. O fun ya nin ka o vɛ peti. O funɛ lisi o tuha ni di, “N fu koti a la gbaŋsi o kilaarɛ nɔ, n fu zi na alaafɛu.” O fun li Yesu gantɛl a wa gbaŋsi o kilaari ti.

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Luk 20:47

Ba yaa zaami Koosa wa ba zaamirɛ a vusi a bu ŋmɛ luhaana kina. Koosa wa di ba sɛria, ba zi wa na namsiu kinkan a kaali ba dɔŋtima.”

Jɔn 12:43

Ba daŋni narawa kinyɛ ba jirima a kaali chenani ba daŋni Koosa kinyɛ ba jirima.

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Jɔn 7:18

Naa sɛm o titi sɛma daŋni narawa kinyɛ un jirima. Nar ka daŋni o nyɛ naa tum un chen, jirima ya wuti tiinnɛ. Nusuna wa to un ni.

Filip. Tima 1:15

Nara bɔnɛ ba naa kpak handɔta min ni, ba biksi narawa Kristo wɛ. Bɔnɛ ka biksi o wɛ a suŋi min.

Filip. Tima 2:3

Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.

2 Tɛs. 2:4

Tum tagna tiin nɔ zi wa ŋɔu di kinkin naa nibinsa jɛɛmi ya yɔrirɛ, a ŋɔ di o ya nibin zenne a kaali ba maga. Hali o zi la zu Koosa bar jɛɛmi damau a kani a ŋɔ di o ya Koosarɛ.