Mat. 2:4 - Tampulma

⁴ Hɛrɔd fun a yir Koosa dam kɔkɔɔrsa awa Koosa chiksɛ nibiksɛ maga ba lagmi o wati. O fun pɛɛsi ba, “Leene ba lul naa Koosa fun ŋɔ di o zi wa tumu chen?”

Mat. 2:4 Marejeleo ya Msalaba

Mat. 13:52

Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”

Mat. 2:3

Koor Hɛrɔd funɛ nu ka hɔɔra tima wa pɛɛsi be ti wɛ, o fun muksi un kinkan. Chen gbanko fun muksi Jɛrusalɛm tim maga.

Mat. 2:5

Ba ŋɔ un di, “Koosa witinsi ta digi funɛ sɔbi a li Koosa sɛm tɔn ti ni saha digi di ba zi wa lul unu a li Bɛtlihɛm naa nyɛn Judia pulum ni. O fun ŋɔ,

Mat. 21:15

Koosa dam kɔkɔɔrsi ta awa Koosa chiksɛ nibiksɛ ta funɛ na chenani o tum alaazibu tuma awa chenani bichɛsa funɛ pɛgi un a ŋɔ, “Yaa zaami koor Devid bi luliu,” ba fun na paan a du un ni.

Mat. 21:23

Ba fun a bur wa Jɛrusalɛm a la zu Koosa bar jɛɛmi dam ti. Yesu funɛ biksi nara chene, Koosa dam kɔkɔɔrsi ta awa Ju tim nihɛɛti ta fun wa lagmi a pɛɛsi un, “Anti kpa kpok nɔ a nyɛ hin i koti aa tum tum na nan? Anti nyɛ hin nyinbaan di i val aa kiya nan?”

Mat. 26:3

Chen saha tirɛ Koosa dam kɔkɔɔrsi ta awa Ju tim nihɛɛti ta fun lagmi dɔŋ ni a li Kaifas naa ya ba koora dam zen ti ni,

Mat. 26:47

O ha funɛ vɛɛn a sɛm chene, Judas naa ya o gantɛl tiŋsi ta digi chen, wa zɛmɛ kinkan fun wa. Koosa dam kɔkɔɔrsi ta awa Ju tim nihɛɛti ta fun a tum ba. Ba fun kpak chise zene awa daasa a wa kpak un.

Mat. 27:1

Chɔɔsa funɛ wa pisi, Koosa dam kɔkɔɔrsi ta awa Ju tima nihɛɛti ta maga fun lagmi a na dɔŋa di ba kpu Yesu.

Mat. 7:29

Waa funɛ biksi ba wa o bambi kpok ni. Chenani o fun biksi ba awa chenani Koosa chiksɛ nibiksɛ ta fun biksi ba wa ya kibɛgim.”

Maak 8:31

Doone o fun a biksi ba a ŋɔ, “Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min. Amaa wuzu butora wuzu n zi si a li mu sou niu.”

Luk 20:19

Koosa chiksɛ nibiksɛ ta awa Koosa dam kɔkɔɔrsa ta funɛ zimu di Yesu funɛ jɛɛgi jɛɛgi nɔu a nyɛ ba. Ba funɛ daŋni ba vaan kpak un, amaa ba funɛ ɔm nara timawa.

Luk 23:10

Koosa dam kɔkɔɔrsi ta awa Koosa chiksɛ nibiksɛ, ba naa funɛ tiŋ Yesu a la Hɛrɔd dam ti chen, ba fun bukoo fiksi Yesu kinkan.

Jɔn 18:3

Koosa dam kɔkɔɔrsi ta awa Farisi tim ta fun lagmi lanjimasa awa ba naa la il Koosa bar jɛɛmi dam ti. Judas fun te ba suwachak a kpa ba kaali ŋma we ti di ba la kpak Yesu. Ba fun kpa chisi zene awa fitinsa a suksi kɔvɔtɛ wa din ni a kaali.

Jɔn 3:10

Yesu fun ŋɔ un, “I biksi i narawa ka ba nyɛ hin jirima kinkan. Yɛrɛ i vɛ zim mu sɛm na muna?

Jɔn 7:32

Farisi tim ta funɛ nu chenani zɛmɛ ta nyumsi Yesu wɛ, ba wa Koosa kɔkɔɔrsi ta fun a na dɔŋa a tum lanjimasa di ba la kpak Yesu a wa.

Jɔn 8:3

Koosa chiksɛ nibiksɛ awa Farisi tim ta fun kpak nihaan naa la daŋni nibaala yɔri yɔri. Ba fun kpa un wa Yesu wati a nyɛ o chiŋi ba maga suwachak ni.

Tuma 23:9

Doone Koosa chiksɛ nibiksɛ ba naa funɛ ya Farisi tim chen bɔnɛ fun chɛɛmi a tɔ chɛɛm ti a ŋɔ, “Ya se su di Koosa funɛ tum a malaikasi ta digi koo o siimsi ta digi a wa sɛm nyɛ un. Chendaha o nin wa toli.”

Tuma 4:5

Chɔɔsa funɛ wa pisi, Koosa dam kɔkɔɔrsi ta, Ju tim ta nihɛɛti ta, Koosa chiksɛ nibiksɛ ta,

Tuma 6:12

Ba fun burgi nara tima bɔnɛ, Ju tim nihɛɛti ta awa Koosa chiksɛ nibiksɛ ta a du un ni a wa kpak un a chiŋsi Koosa dam kɔkɔɔrsi ta awa sɛria nidiile ta suwachak ni.