Mat. 17:3 - Tampulma

³ Ba fun a nyini ka Ɛlaija awa Mosis fun nyɛn Yesu wati a sɛm sɛma.

Mat. 17:3 Marejeleo ya Msalaba

Mat. 17:2

Ba funɛ nyɛn dooni, Yesu si nyine fun a chɛrgi ba suwachak ni. O se funɛ chaaniu a chi nha. O kilaarɛ gbanko fun chɛrgi a pilimi kinkan aa chaani.

Mat. 17:4

Pita fun ŋɔ Yesu ni, “Mu kunyana, o ya wu werire ya nyɛn bar nɔ nan. Nyɛ ya du lɛuwa tora a nyɛ ma, chen ni i kpak kibɛgim, Mosis kpak kibɛgim, Ɛlaija gbanko kpak kibɛgim.”

Maak 9:4

Ba fun a nyini ka Ɛlaija awa Mosis fun nyɛn Yesu wati a sɛm sɛma.

Luk 1:17

Saha digi Koosa funɛ kpa o kpok a du o witiina Ɛlaija ni a nyɛ o ya o nitumi. Jɔn gbanko zi wa ya Koosa nitumi a chi un. O zi wa kpa bisa awa ba nyamau ba naa waligɛ dɔŋ ni a lagmi. Ba naa vɛ tiŋ Koosa nyinbaan, o zi wa nyɛ ba bur wau a wa tum tum were. O zi wa saksi Koosa narau ba la un.”

Luk 16:16

“Chiksɛ naa Koosa fun kpa nyɛ Mosis ni awa chenani Koosa witinsi ta fun sɔbi chen biksi ma chenani ma zi nyɛn, hali saha naa Jɔn fun wa a biksi ma di Koosa duglɛu wa o dɔ nara. Lalaknɔ nidamata se sɛrɛu di o dɔ ba.

Luk 24:27

Ba ha funɛ vɛɛn a val nyinbaan ni chene, Yesu fun biksi ba chenani Mosis awa Koosa witinsi ta maga fun sɔbi o wɛ saha digi chen a li Koosa sɛm tɔn ti ni.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Luk 9:33

Nara balɛ ta fun saksi di ba la, Pita fun ŋɔ Yesu ni, “Mu kunyana, o ya wu werire ya nyɛn bar nɔ nan. Nyɛ ya du lɛuwa atora a nyɛ ma, chen ni i kpak kibɛgim, Mosis kpak kibɛgim, Ɛlaija gbanko kpak kibɛgim.” O wa zim chenani o sɛm.

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.