Mat. 11:10 - Tampulma

¹⁰ Ba funɛ sɔbi Jɔn wɛu a li Koosa sɛm tɔn ti ni saha digi di Koosa ŋɔ, ‘Mu nitumi nɛɛnɛ. Mu zi te tum unu i suwachak ni o la kɔɔri nyinbaan a nyɛ hin.’

Mat. 11:10 Marejeleo ya Msalaba

Mat. 11:11

Wutirɛ mu sɛm ma, Jɔn naa funɛ chaksi nara wa ni ni chen, kaali ba naa maga funɛ nyɛn o piili ti ni. Amaa nar ya gantɛl tiŋna a li Koosa koor ti ni, waa kaali Jɔn.

Mat. 11:3

Ba funɛ la tel o wati, ba fun pɛɛsi un, “Hin ya baal naa Jɔn fun ŋɔ di i kaa wau chen, akoo yaa nyini nandigi nyinbaan nii?”

Mat. 3:3

Koosa witiina naa ba fun yir Azaaya funɛ sɔbi Jɔn wɛ a li Koosa sɛm tɔn ti ni saha digi. O fun ŋɔ, “Nandigi la mɔɔli nyabaan ni a ŋɔ, ya kunyana wau. Maa saksi ka o zi wa. Ma kɔɔri o nyinbaan o wer.”

Maak 1:2

Koosa witiina, Azaaya, funɛ sɔbi a li Koosa sɛm tɔn ti ni chen a ŋɔ di Koosa ŋɔ, “N zi tum n nitumi o zi te i suwachak a la saksi a nyɛ hin i wa.

Luk 1:76

Doone Zɛkaraya fun ŋɔ, “Mu be, hin la zi ya Koosa zen witiina. Hin la zi te naa Koosa ŋɔ di o kaa tumu chen suwachak a saksi o nyinbaan a nyɛ un.

Jɔn 1:23

Jɔn fun ŋɔ ba, “Mu zi ŋɔ ma chenani mu duu. Koosa witiina Azaaya funɛ sɔbiu a li Koosa sɛm tɔn ti ni saha digi a ŋɔ di Koosa ŋɔ, ‘Mu nitumi nyɛn nyabaan ni a mɔɔli. Ba zi nu o tau ka o ŋɔ, ya kunyana wau. Maa kɔɔri o nyinbaan o weru.’ ”