Mat. 11:1 - Tampulma

¹ Saha naa Yesu fun ŋɔ o gantɛl tiŋsa nara fidalɛ ta ni a peti chen, o fun li dooni a kaali di o la biksi nara ba naa funɛ nyɛn tɔsi ni a dugli dooni Koosa laaboor weri ti wɛ.

Mat. 11:1 Marejeleo ya Msalaba

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Mat. 7:28

“Yesu funɛ sɛm nan maga peti, alaazibu fun kpak zɛmɛ ta kinkan a li o biksi ti daha.

Mat. 9:35

A saha tirɛ Yesu funɛ gba aa go tɔsa awa tɔ wisa. O fun a biksi nara tima Koosa koor laaboor weri ti wɛ a li ba bar lagmi dɛɛni ta ni. O gbanko funɛ tiibi wichɔɔrsa magau.

Maak 6:12

Yesu funɛ biksi ba chene, ba fun si a kaali a la sɛm Koosa wɛ a nyɛ nara ni, a ŋɔ di ba gil ba tum tagna a burgi a tiŋ Koosa nyinbaan.

Luk 23:5

Ba fun a fiksi un a kaali chenani ba fun te fiksi a ŋɔ un, “Chenani baal nɔ yaa biksi nara tima zi nyɛ ba damu. O fun piili a biksi ba a li Galili pulum ni a la gali Judia pulum ni hali a wa li bar nɔ.”

Luk 8:1

Wuzu bile wuzu Yesu wa a gantɛl tiŋsa fidalɛ ta fun gba a zu tɔ damata awa tɔ wisa a biksi Koosa laaboor weri ti di o daŋni o dɔ narawa.

Jɔn 15:10

Mu funɛ tum chenani mu nyan naa la daŋni min, fun ŋɔ min di mu tum, chen ni ya lagmi nyɛni nɔ wa zi bur gantɛl. Chen vɛɛna ma tiŋ chenani mu naa la daŋni ma, fun biksi ma, ya lagmi nyɛni nɔ wa zi bur gantɛl.

Jɔn 15:14

Ma tiŋ chenani mu fun biksi ma, mu zi zimu di ma ya mu chɛnsiwa.

Tuma 1:2

O laali saha funɛ wa dugli di o la, o fun nyɛ Koosa siim weri ŋɔ o nitumɛ ba naa o fun yisi a nyɛ o titi ni, chenani ba zi tum. O funɛ ya chene, Koosa zer un a zini o tɔha.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 10:42

O fun ŋɔ ya di o lawa ya lau a la biksi nara Koosa laaboor weri ti wɛ awa chenani Koosa fun lisi un di wuzu digi o zi wa di nisitɛ awa ba naa vɛ siti sɛriau.

1 Tɛs. 4:2

Ma zimu di ya kunyan Yesu kpok nyɛn chenani ya fun biksi ma chen ni.

2 Tɛs. 3:10

Ya funɛ nyɛn ma wati, ya yaa fun a ŋɔ mau di nara vɛ daŋni tum tumi, o wa lawa ba di diwe.

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

1 Tim. 6:14

ii tiŋ chenani mu fun biksi hin. Nyɛ i tuha kichaani, chen ni nandigi wa zi koti a chɔk i sɔn, hali ya kunyan Yesu Kristo wa bur wa.