Mat. 10:3 - Tampulma

³ Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Mat. 10:3 Marejeleo ya Msalaba

Mat. 18:17

O gbanko vɛ nu ba nɔ, la ŋɔ ba naa ya Koosa nitiŋɛ ni o wɛ ta maga. O vɛ nu ba nɔ, ma ta kpak wu digi wa un ni a chi chenani ma vɛ kpak wu digi wa lampo nilalɛ awa hɔɔra ni chen.”

Mat. 27:56

Ba bɔnɛ sɔna funɛ ya Mɛri Magdala awa Mɛri, Jems awa Josɛf niina, awa Zɛbɛdi bisa niina.

Mat. 9:9

Yesu fun bu si a li dooni. O funɛ la chene, o fun na baal naa ba yir Matiu chen. O funɛ kani lampo bar laali nɛɛ a la lampo ti. Yesu fun ŋɔ un, “Si a tiŋ min aa wa.” O fun gil o tuma a si tiŋ un a kaali.

Maak 15:40

Nihaana ba naa funɛ tiŋ un a la suŋi un Galili pulum ni chen, gbanko bɔnɛ funɛ chiŋi bar boli ni a nyini chenani la ya. Ba bɔnɛ sɔna funɛ ya Salome, Mɛri Magdala, awa Mɛri, Jems awa Josɛs niina. Nihaan damata funɛ tiŋ un a la Jɛrusalɛm. Ba gbanko funɛ nyɛn dooni.

Maak 2:14

O funɛ biksi ba a peti, o fun bukoo si a la na baal naa ba funɛ yir Livai, Alfius be. O funɛ kani lampo bar laali nɛɛ aa la lampo ti. Yesu fun ŋɔ un, “Si a tiŋ min aa wa.” O fun gil o tuma a si tiŋ un a kaali.

Maak 3:18

O gbanko funɛ lisi Andiru, Filip, Batɔlɔmi, Matiu, Tɔmas, awa Jems, Alfius be, Tadius, Simɔn naa o pulum wɛ fun nyɛn o bambi ni,

Luk 18:10

O fun ŋɔ ba, “Nara balɛ funɛ nyɛn doon. Wuzu digi ba fun kaali Koosa bar jɛɛmi dam ti di ba la sumi Koosa. Digi funɛ ya Farisi tim ta baallɛ. Digi ka ya lampo nilali.

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

Luk 18:13

Lampo nilali naa funɛ kpak o titi a chiŋi gantɛl ni, fun gur o nyuha a du tɛɛnɛ ni a mo o bambi a ŋɔ, ‘Mu kunyana Koosa, mu ya tum tagna nitumirɛ. Mu sumi hinu, ɔm min siki.’ ”

Luk 19:2

Lampo nilali nihɛɛ funɛ nyɛn dooni. O funɛ ya malɛ tiinnɛ ka ba yir un Zakius.

Luk 5:27

Yesu fun bu si a li dooni. O funɛ la chene, o fun na baal naa ba yir Livai chen. O funɛ kani lampo bar laali nɛɛ a la lampo. Yesu fun ŋɔ un, “Si a tiŋ min a wa.”

Jɔn 1:48

Nataniɛl fun wa tel Yesu wati a pɛɛsi un, “Yɛrɛ i ya a zim chenani mu bambi du?” Yesu fun ŋɔ un, “I kanɛ i bugil barsɔn nɛɛ mu te na hin a zim chenani i bambi du ka Filip zi yir hin.”

Jɔn 11:16

Yesu gantɛl tiŋsi ta nidigi naa funɛ nyɛn o wati, ba yir un Tɔmas. Ba funɛ vɛɛn a yir un leure. O fun ŋɔ o dɔŋtim ta ni, “Ma nyɛ ya tiŋ ya kunyana, chen ni ya wa un zi sowu.”

Jɔn 14:22

Baal digi funɛ nyɛn doon. O sɔn ya Judas, amaa o laata fun ya Judas Iskariɔt. O fun ŋɔ Yesu ni, “Mu kunyana, yɛrɛ i kaa ya a kpa i titi a biksi ya a ta kpa i titi a biksi tɛɛnɛ nɔ tim maga?”

Jɔn 14:5

Tɔmas fun ŋɔ un, “Mu kunyana, ya ha wa kpak doonani i la chen ya bambe ni. Yɛrɛ ya kaa ya zim doon nyinbaan?”

Jɔn 14:9

Yesu fun ŋɔ un, “Filip, yɛrɛ i pɛɛsi min chen ni? Ma wa min nyɛn vusiu. I ha wa vɛɛn zim nibine naa ya minn? Nara maga na min, mu nyan tirɛ ba na chen.

Jɔn 21:2

O gantɛl tiŋsa ba naa funɛ lagmi dooni, ya Simɔn Pita, Tɔmas ka o ya leu chen, Nataniɛl naa li Kena a li Galili pulum ni, Zɛbɛdi bisa lɛ awa nara balɛ.

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Tuma 12:17

O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

Tuma 15:13

Ba sɛm ta gantɛl nɛɛ, Jems fun ŋɔ ba maga ni, “Mu niinbisa, ma nu mu wati.

Tuma 21:18

Chɔɔsa funɛ wa pisi, ya wa Pɔɔl fun kaali a la zaami Jems. O wa Yesu nitiŋɛ nihɛɛti ta maga funɛ lagmi dɔŋa a kani.

Gal. 1:19

Yesu nitumɛ ta maga ni, mu funɛ pu Jems naa ya ya kunyan ti niinbe, duŋduŋnɛ.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.