Mat. 1:1 - Tampulma

¹ Yesu Kristo nawaalsa nɛɛnɛ. Koor Devid funɛ ya Yesu nawaal bunirɛ. Abraham gbanko funɛ ya Yesu nawaal bunirɛ.

Mat. 1:1 Marejeleo ya Msalaba

Mat. 1:18

Chen funɛ tum ka ba zi lul Yesu. O niin Mɛri fun la nɔɔni di o kaa yu baal naa ba funɛ yir Josɛf, amaa o ha wa fun la o baal ti dama. Chen saha tirɛ o fun zim di Koosa siim weri nyɛ o kpak lo.

Mat. 1:2

Abraham be funɛ ya Aizik. Aizik be funɛ ya Jakɔb. Jakɔb be funɛ ya Juda awa o niinbisa.

Mat. 15:22

Ba fun lul haan digi dooni. O fun wa sumi Yesu, “Mu kunyan koor Devid bi luli, kpak min siki. Alizin tagin kanɛ mu nihabichɛl nyuhu ni a vɛ weri.”

Mat. 3:16

Yesu funɛ li mɔɔga ti tuha ni, o fun vaan na buudaha ka o puk o na Koosa siim weri ti. O funɛ chi komne a tu wa a zɔŋ o nyuhu ni.

Mat. 9:27

Yesu fun li dooni. O funɛ val nyinbaan ni chene, nyuluma nara balɛ fun na un a tiŋ un. Ba fun tɛsi a ŋɔ un, “Koor Devid be luli, ya sumi hinu di i kpak ya siki.”

Luk 1:33

O zi wa dɔ Jakɔb bi lulɛ magau hali saha naa vɛ kpak bɔ. O koor ti wa zi wa kpak bɔ.”

Jɔn 7:42

Ba funɛ sɔbiu a li Koosa sɛm tɔn ti ni a ŋɔ, ‘Ba zi lul Kristo a li tɔhɔn naa ba yir Bɛtlihɛm ka o nyɛn Judia pulum ni. O zi wa ya koor Devid bi luliu. Chendaha ba kaa wa lul un a li o tɔhɔn ti ni.’ ”

Tuma 2:30

O ha funɛ kpak miisa, o funɛ ya Koosa witiinne. Koosa funɛ vɔu a chiŋsi un di o zi nyɛ o bi lulɛ ta digi di o koorau.

Room 1:3

O ya o be wɛwa. Waa ya ya kunyana Yesu Kristo. O ya koor hɛɛ Devid be lulirɛ,

Room 4:13

Koosa funɛ vɔu Abraham awa o bi lulɛ di ba zi wa dɔ tɛɛnɛ nɔ magau, o wa fun vɔu chen Abraham chiksɛ tiŋi daha. O si funɛ su Koosa, chen ni o wa fun koti a bu na o galimsa. Chendaha Koosa fun vɔu chen.

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

Gal. 3:16

Ba fun bukoo sɔbi a li Koosa sɛm tɔn ti ni a ŋɔ, “Koosa funɛ kpa o vɔwe a nyɛ Abraham awa o be luli ni.” Ba wa fun sɔbi di o kpa a a nyɛ Abraham awa o bi lulɛ ni. O mun ya di o funɛ kpa a a nyɛ nibin bɛgim duŋduŋ nɛɛ. Chen tiina ya Kristo.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

2 Tim. 2:8

Kilisi Yesu Kristo naa funɛ ya koor Devid lul be, a si a li o sou ni. Mu yaa ŋɔ nara niu Koosa laaboor weri ti wɛ, o wɛwa mu yaa ŋɔ ba.

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”