Maak 9:50 - Tampulma

⁵⁰ “Yisa mɛlsɛu, amaa o mɛlsi ti wa peti, yɛrɛ ba zi koti a bu ya o lɛm? Adaha ma wa ma dɔŋtima ma ka lɛm dɔŋ ni a chi yisa yaa nyɛ disa lɛm chen.”

Maak 9:50 Marejeleo ya Msalaba

Mat. 5:13

“Nara yaa kpa yisa a du ba kina ni di a ta chɔki. Ma chi chen yisawa. Ma lɛmlɛm liee, ma wa kpak nyinbaan naa ma zi bukoo lɛm. Ma ya yɔrirɛ. Ba zi kpa mau a yo ta aa val ma daha ni.

Maak 9:34

Ba fun a moori. Nyinbaan nɛɛ ba fun a di zenzen amɔrɛ wɛ. Chendaha ba fun a moori.

Maak 9:49

“Koosa zi kpa din a yuksi nara maga a chi chenani ba yaa kpa yisa a yuksi disa ni chen. Maa ya chen, ma tusa zi mɛlsiu a chi ba yaa kpa yisa a du disa ni di o lɛm chen.

Room 12:18

O nyɛn ma watɛɛ, maa kpaŋi aa kpak bara sɔɔna awa nara maga ni.

2 Kɔr. 13:11

Ya niinbisa, lalaknɔ ya daŋni ya mak tɔn nɔ sɔbi bar nɔwa. Ma nu chenani mu sɛm ma chen a kɔɔri kin nawara vɛ deŋli maga. Ma kpak nɔ bɛgim wa dɔŋ ni a kpak bara sɔɔna awa dɔŋ ni. Koosa naa la daŋni ma a la nyɛ ma bara sɔɔna, o zi suŋi mau a chi nan.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Ɛfɛ. 4:29

Ma ta sɛm nɔ tagna a nyɛ dɔŋ ni, amaa ma nyɛ ma sɛm maga suŋi a kpami ba naa maga la nu a.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

Kɔl. 4:6

Maa doso chenani ma sɛm a nyɛ nara ni, chen ni ma sɛm maga zi weru a lɛm. Nar pɛɛsi ma wu digi, o lawa ma kotiu a ŋɔ un nɛnɛ.

1 Tɛs. 5:13

Ma nyɛ ba jirima kinkan aa kidaŋni ba, domi tum naa baa tum nan daha. Ma la nɔɔni dɔŋ ni.

2 Tim. 2:22

Ta tiŋ i titi daŋni a chi ba naa ya bunɔɔna, amaa kpak un i bambi ni a tum tum were kinkan a nyɛ i si su Yesu aa kidaŋni nara awa bara sɔɔni ni. Kilagmi ba naa kpak bambi chaanɛ a la sumi Koosa di o suŋi ba.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Jems 1:20

Koosa daŋni yaa tum tum werewa a nyɛ un. Ya na paan, ya wa zi tiŋ chenani o daŋni.

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.