Maak 9:24 - Tampulma

²⁴ Be ti nyan ti vaan la nɔɔni a ŋɔ, “N si suu, amaa o wa mak min. Suŋi min.”

Maak 9:24 Marejeleo ya Msalaba

Maak 9:23

Yesu fun pɛɛsi un, “Yɛrɛ i lisi i bambi ni di n waa kikoti a suŋi hin? Nibine naa si suɛɛ, o zi kotiu a tum kina maga.”

Maak 9:25

Ba funɛ sɛm chene, nidamata fun chɔ a wa Yesu wati. Yesu funɛ wa na ba, o fun vaan ŋɔ alizin tagin ti ni, “Hin alizin tagin naa nyɛ be nɔ ya diŋgbiti tiina awa wom, n ŋɔ hinu, kili be ti ni a ta bu nyɛn un ni.”

Luk 17:5

Doone Yesu nitumɛ ta digi fun ŋɔ un, “Ya daŋni chenani ya se su hin iiu a gbaari.”

Luk 7:38

O fun wa gbiri Yesu chakpal ni. O fun a wi ka o sini chesi a pɔr Yesu naŋgere. O fun kpa o nyuk ziŋɛ a fiisi a a hul. O fun mɔksi a a biti nu naa sɔɔra weree a du o naŋgere ta ni.

Luk 7:44

Kina haan nɔ nyɛn bar nɔ. N funɛ wa zu i dam ti, i wa fun kpa ni a nyɛ min di n sɛm n naŋgere, amaa waa ka funɛ kpa o sini a sɛm mu naŋgere ta a fiisi a a hul awa o nyuk ziŋɛ ta ni.

Tuma 10:19

Pita ha funɛ vɛɛna lisi chenani o fun na chen mun ka Koosa siim weri ti fun ŋɔ un, “Kinu mu wati. Nara batora chiŋɛ bulzɔɔnɔ ti ni a daŋni ba na hin.

Tuma 10:31

a ŋɔ, ‘Kɔnilius, chenani ii sumi Koosa a la suŋi fara tim ta chen sɔɔnɛ o tuha.

2 Kɔr. 2:4

Mu funɛ sɔbi a nyɛ ma, o funɛ muksi minu kinkan ma daha. Mu tuha funɛ chɔku kinkan mu wi. Amaa mu wa funɛ daŋni mu tɔn ti sɛma chɔk ma tusa. Mu funɛ daŋni mu biksi mau chenani muu daŋni mau.

Ɛfɛ. 2:8

Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.

Filip. Tima 1:29

Waa nyɛ ma se su Kristo a nyɛ ma gbanko namsi o daha.

2 Tɛs. 1:11

Chendaha ya yaa sumi un ma daha. Waa funɛ lisi ma di ma la o mi fali ti. Yaa sumi unu di o nyɛ ma o kpok ti yaa tiŋ o mi fali ti nɛnɛ. Ya vɛɛn a sumi unu di o suŋi ma ma kitum tum were a naa maga ma daŋni ma tum hali a wa peti, domi ma se su un.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

2 Tim. 1:4

Mu lisu chenani i fun li mu watiu ka i tuha chɔku kinkan. Mu daŋni mu bu na hinu kinkan, chen ni i zi nyɛ mu tuha sɔɔniu hali a la gali.

Ju 12:17

O nyana funɛ wa dugli siwi, Isɔ funɛ daŋni o sumi Koosa a kpa un a du Koosa nin ni. Amaa o nyana wa fun koti a ya chen, domi o funɛ yogli o nyan ti kina magawa. Hali o fun a wi kinkan, o wa fun koti a chɛrgi chenani o tum.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.