Maak 8:33 - Tampulma

³³ Yesu fun burgi a nyini a go o gantɛl tiŋsi ta a ŋɔ Pita ni, “Tur dooni, domi i lisi chi sintannɛ. Chenani i sɛm chen wa li Koosa wati. A li nibinsa watɛɛ.”

Maak 8:33 Marejeleo ya Msalaba

Mat. 15:23

Yesu wa fun sɛm un wu digi. O gantɛl tiŋsi ta fun wa sumi un, “Duŋni nihaan nɔ ta. O tiŋ yau a chɛɛmi.”

Mat. 16:23

Yesu fun burgi a ŋɔ Pita ni, “Tur dooni, domi i lisi chi sintannɛ. I tɔ min nyinbaannɛ. Chenani i sɛm chen wa li Koosa wati. A li nibinsa watɛɛ.”

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Maak 3:34

O fun nyini nibinsa ba naa kanɛ a go un chen a ŋɔ, “Ma na mu numa awa mu niinbisi ta nɛɛnɛ.

Maak 3:5

Yesu fun na paan a nyini a go ba a zim di ba bambe kpoku. O fun ŋɔ baal ti ni di o tuuni o nin ti. O fun tuuni o nin ti. O nin ti fun vaan peti.

Luk 22:61

Yesu fun burgi a nyini Pita. O fun vaan lisi chenani Yesu fun ŋɔ un di o zi wa tɔ butorau di o wa un wa zim dɔŋa, ka zimal yeli zinan.

Luk 4:8

Yesu fun ŋɔ un, “Ba funɛ sɔbiu a li Koosa sɛm tɔn ti ni a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Luk 9:55

Yesu fun burgi a zulimi ba a ŋɔ di ba si dooni.

1 Kɔr. 5:5

Ma kpa un a du sintana nin ni o muksi un a chɔk o bara, chen ni a wuzu naa ya kunyan ti wa bur wa, Koosa zi wa yisi o miisau.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

1 Tim. 5:20

Ba naa la tum tum tagna, kpaŋi a burgi ba nyuuna nara suwachak ni, chen ni ba naa nuɛɛ zi ɔmu.

Tait. 1:13

O sɛm ta ya wutirɛ. I lawa i burgi Yesu nitiŋɛ ta nyuunau wa kpok ni, chen ni ba zi kpak Koosa wuti tiu nɛnɛ.

1 Pita 4:1

Kristo funɛ nyɛn tɛɛnɛ nɔ maga ni, o funɛ namsiu kinkan. Chendaha ma gbanko kisaksi ma lise ma zi namsiu. Chenani ma namsi zi suŋi mau ma gil ma tum tagna awa ma titi daŋnɛ,

1 Jɔn 2:15

Ma ta daŋni di ma tiŋ chenani tɛɛnɛ nɔ tim maga tiŋ. Maa daŋni tɛɛnɛ nɔ tim maga kina, ya kunyana Koosa daŋni ti wa to ma bambe ni.

JɔnN Deesi 3:19

Mu zulimi ba naa maga mu daŋni a biksi ba ba tum tagna. Ma gil chenani ma funɛ tum a kpak si sɛm awa mu tiŋi ni.