Maak 2:18 - Tampulma

¹⁸ Wuzu digirɛ Jɔn naa funɛ chaksi nara wa ni ni chen, gantɛl tiŋsa awa Farisi tim ta gantɛl tiŋsa fun vɔu nɔ. Doone nara bɔnɛ fun wa Yesu wati a wa pɛɛsi un, “Yɛrɛ Jɔn gantɛl tiŋsi ta awa Farisi gantɛl tiŋsi ta vɔu nɔ, ka i waa gantɛl tiŋsi ta vɛ vɔwi?”

Maak 2:18 Marejeleo ya Msalaba

Mat. 23:5

Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.

Mat. 6:16

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.

Mat. 6:18

chen ni nara wa zi koti a zim di ma vɔti nɔɔna. Ma kunyan Koosa, naa na chenani ma tum ma duŋduŋ, o zi nyɛ ma o papahau.”

Maak 2:19

Yesu fun burgi a pɛɛsi ba, “Nar kpa haan ka o chɛnsa bu vɔu nɔɔ? Aai. Ba wa zi ya chen.

Luk 18:12

N yaa vɔu nɔ bilɛwa wuzu bunɔpɛ tuhu ni, aa lisi kin nawara maga n la chen fi a nyɛ hin.’

Room 10:3

Ba ha wa fun zim Koosa nyinbaan naa nyɛ o vɛ na nibinsa galimsa a kpaŋi aa kɔɔri ba titi nyinbaan di o du chen. Chendaha ba fun vɛ la chenani o koti a tum a nyɛ ba.