Maak 2:17 - Tampulma

¹⁷ Yesu fun nu chenani ba pɛɛsi a ŋɔ, “Nibinsa ba naa kpak alaafɛ, ba wara la lure tiin wati, amaa ba naa vɛ kpak alaafɛ, ba waa le la lure tiin wati. N wa wa di n wa yir ba naa nara yir ba nibin werewa. Ba naa nara yir ba nibin tagna daharɛ, mu wa.”

Maak 2:17 Marejeleo ya Msalaba

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:29

Amaa o fun ŋɔ o nyan ti ni, ‘Kunu mu wati. Bunsa naa maga n tum a nyɛ hinu a chi yoma a la nu i nɔ. I wa nyɛ min hali buun di n wa mu chɛnsa kɔɔrigi a di diwe.

Luk 15:7

Doone Yesu fun ŋɔ Farisi tim ta awa Koosa chiksɛ nibiksɛ ta ni, “Tum tagna tiina gil o tum tagna yaali a burgi tiŋ Koosa nyinbaan, ba naa nyɛn o tɔhɔn ti ni, tusa zi sɔɔniu o daha a kaali nara kɔkwa di kibɛgim wa to ba naa piin bur tiŋ un.”

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Jɔn 9:34

Ba fun ŋɔ un, “Ba funɛ lul hin di i yaa kitum tum tagniwa. I kpa i nyuhurɛ a mo yaa?” Ba fun zaksi un a li ba bar jɛɛmi dɛ ti ni a ta.

Jɔn 9:40

Farisi tima ba naa funɛ dugli dooni, bɔnɛ fun nu ka o sɛm. Ba fun ŋɔ un, “Hin la daŋni i ŋɔ di ya se wa lɛli.”

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.