Maak 16:17 - Tampulma

¹⁷ Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Maak 16:17 Marejeleo ya Msalaba

Maak 9:38

Jɔn fun ŋɔ un, “Mu kunyana, ya funɛ na baal digirɛ ka o kpa i sɔn aa duŋni alizin tagna a li nara ni. O wa fun ya ya nidigi. Chendaha ya fun ŋɔ un di o gil.”

Luk 10:17

A funɛ vusi tamau ka nara fumnɔpɛ dalɛ ta fun bur wa Yesu wati awa tu sɔɔn kinkan ni. Ba fun ŋɔ un, “Ya kunyana, ya funɛ ŋɔ alizin tagna ni di ba li nara ni a li i sɔn daha, ba yaa nu ya nɔu a li ba ni.”

Jɔn 14:12

Wutirɛ mu ŋɔ ma, ba naa se su min, ba zi tum chenani mu tumu. Hali ba zi tumu tum zene a kaali chenani mu tum, domi mu zi wa bur la mu nyan ti watiu.

Tuma 10:46

Hali ba fun nu ba naa vɛ ya Ju tim chen funɛ sɛm sɛm kurgɛ a la pɛgi Koosa o tum zene ta o tum a nyɛ ba chen daha. Doone Pita fun ŋɔ ba,

Tuma 16:18

Nihabichɛl ti fun tiŋ ya a gba wuzu bilɛ. O fun wa tel o bɔ, Pɔɔl fun burgi a ŋɔ alizin tagin ti ni, “N kpa Yesu Kristo sɔnnɛ a ŋɔ hin di i li un ni.” Alizin tagin ti fun vaan li un ni.

Tuma 19:6

Pɔɔl fun kpa o nisa a saksi ba ni di Koosa siim weri ti wa zu ba bambe ni. Ba fun piili a sɛm sɛm kurgɛ a la sɛm nara ni Koosa laaboor weri ti wɛ.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Tuma 5:16

Nidamata ba naa nyɛn tɔsi ni a go Jɛrusalɛm, fun kpa ba wichɔɔrsa awa ba naa alizin tagna nyɛn ba nyuuni ni a wa nitumɛ ta wati ba tiibi ba maga.

Tuma 8:7

O funɛ ŋɔ alizin tagna ni di a li nara tima bɔnɛ ni a fun huusi kinkan a li ba ni. O gbanko fun tiibi ba naa nisa awa naŋgere sitɛɛ awa ba naa la chel chɛrsa.

1 Kɔr. 12:10

a nyɛ bɔnɛ kpok di baa tum alaazibu tuma. Bɔnɛ koti aa sɛm Koosa wɛ a li o kpok ti ni, ka bɔnɛ koti aa zim papaha a naa li Koosa wati awa papaha a naa vɛ li o wati. Bɔnɛ sɛm sɛm kurgɛ, ka bɔnɛ koti a biksi a muna aa nyɛ nara ni.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 12:30

Ma maga wara tiibi nara akoo a sɛm sɛm kurgɛ, koo a biksi sɛm kurgɛ ta muna,

1 Kɔr. 13:1

Mu koti a sɛm sɛm kurgɛ hali awa malaikasa sɛma a vɛ daŋni nara, mu chɛɛmiu a chi nibine naa ba yaa mo luŋa ka o vɛ zim o mun.

1 Kɔr. 14:2

Nibine naa la sɛm sɛm kurgɛ, o wa ya di nar nɛɛ o sɛm aa nyɛ, amaa Koosa nɛɛ o sɛm aa nyɛ. A ya wu soglewa o sɛm a li Koosa siim weri ti kpok ti ni, amaa nara wa zim a muna.