Maak 16:15 - Tampulma

¹⁵ O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Maak 16:15 Marejeleo ya Msalaba

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Maak 13:10

Tɛɛnɛ nɔ maga nara zi wa te nu Koosa laaboor weri wɛu ka kin naa maga zi ya.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Tuma 1:2

O laali saha funɛ wa dugli di o la, o fun nyɛ Koosa siim weri ŋɔ o nitumɛ ba naa o fun yisi a nyɛ o titi ni, chenani ba zi tum. O funɛ ya chene, Koosa zer un a zini o tɔha.

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Room 10:18

Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Ɛfɛ. 2:17

Yesu Kristo funɛ wa, o fun biksi nara Koosa laaboor weri naa nyɛ nibinsa kpak bara sɔɔna wɛ. O fun biksi Ju tima ba naa funɛ piin zim un. Ma naa vɛ ya Ju tima wa fun zim Koosa, Yesu Kristo funɛ biksi ma chen gbankou.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.