Maak 15:43 - Tampulma

⁴³ O funɛ ya sɛria nidiili ta nidigirɛ. Nara fun a nyɛ un jirima. O funɛ nyini di o wa na saha naa Koosa zi wa dɔ nara. Dusum funɛ wa biri, o fun si a kpak o bambi a kaali Pailɔt wati a la sumi di ba yisi Yesu a li daakakli ti ni a nyɛ un o la sogli. O funɛ ya a wuzu naa ba saksi a pɔ hiisi wuzurɛ. Chendaha o la sumi un chen ni.

Maak 15:43 Marejeleo ya Msalaba

Mat. 19:30

Nara kinkan ba naa te suwachak a ya nihɛɛta lalaknɔ, ba zi wa burgiu a tiŋ gantɛl. Ba naa tiŋ gantɛl zi wa burgi nihɛɛtau a te suwachak.”

Mat. 20:16

Yesu funɛ sɛm jɛɛgi ti peti, o fun ŋɔ o gantɛl tiŋsi ta ni, “Ba naa te suwachak, ba zi wa bur gantɛlu. Ba naa ka tiŋ gantɛl wa te suwachak.”

Mat. 27:57

Dusum funɛ wa biri, malɛ tiin digi fun wa dooni. O sɔn funɛ ya Josɛf. O tɔha funɛ ya Arimatia, ka o tiŋ Yesu.

Maak 14:54

Pita fun sogli a tiŋ gantɛl a wa zu Koosa dam kɔkɔɔrsi ta nihɛɛ ti sal a la kani Koosa dam bisa wati a weeri din.

Maak 15:44

O funɛ wa ŋɔ Pailɔt ni chen, o fun ya Pailɔt alaazibu kinkan di Yesu sou lalagau. O fun yir lanjimasa kɔkwa nihɛɛ ti o wa o wati. O pɛɛsi un, “Wutirɛ ba ŋɔ di Yesu sou chenn?” O fun ŋɔ, “O ya wutirɛ o sou.”

Luk 2:25

Baal digi funɛ nyɛn Jɛrusalɛm ni. Ba yir un Simiɔn. O funɛ ya narrɛ a la tiŋ Koosa nɛnɛ. O funɛ pɔ di Koosa tum naa kaa wa yisi Ju tim tum tagna. Koosa siim weri ti nyɛn un ni.

Luk 2:38

Saha naa Josɛf awa Mɛri funɛ sɛm Simiɔn wati, Ana fun wa gbaari ba ni dooni. O funɛ na be tiu, o fun a zaami Koosa o daha. O fun kaali a la ŋɔ Jɛrusalɛm tima ba naa maga funɛ pɔ di Koosa wa la ba nyuuna a nyɛ ba be ti wɛ ni.

Luk 23:50

Ju tim baal digi funɛ nyɛn doon a li tɔhɔn naa ba funɛ yir Arimatia. O sɔn funɛ ya Josɛf. O funɛ ya tum were tiinnɛ a kpak sɔn weri nara wati a nyini di o wa na saha naa Koosa zi wa dɔ nara. O funɛ ya sɛria nidiile ta nidigirɛ, amaa o tuha wa fun sɔɔni chenani ba di Yesu sɛria chen.

Jɔn 19:38

Baal digi funɛ nyɛn doon. Ba yir un Josɛf a li tɔhɔn naa ba yir Arimatia ni. O funɛ ya Yesu gantɛl tiŋsi ta digirɛ, amaa Ju tim ta nihɛɛti daha, o fun sogli a tiŋ un. O fun kaali Pailɔt wati a la sumi di ba lisi Yesu a li daakakli ti ni a nyɛ un o la sogli. Pailɔt fun a nyɛ un nyinbaan o lisi un.

Tuma 13:50

Amaa Ju tim ta funɛ nyɛ tɔhɔn ti nihɛɛta awa nihaana ba naa la jɛɛmi Koosa a ya malɛ tima, paan fun siu a du Pɔɔl awa Barnabas ni. Ba fun muksi ba kinkan a duŋni ba a li dooni.

Tuma 17:12

Ju tim ta awa nibaala wa nihaan birige, ba naa maga ya Girik tima nidamata, fun nyɛ ba se su Koosa laaboor weri ti.

Filip. Tima 1:14

Nan daha, Yesu nitiŋɛ nidamata kpak bambe kpok a gbaari a biksi nara Koosa laaboor weri ti wɛ.