Maak 14:18 - Tampulma

¹⁸ Ba funɛ di chene, Yesu fun ŋɔ ba, “N ŋɔ ma wutirɛ. Nar wa min la di diwe nan, o zi wa li mu gantɛlu.”

Maak 14:18 Marejeleo ya Msalaba

Mat. 26:21

Ba funɛ di chene, Yesu fun ŋɔ ba, “Mu ŋɔ ma wutirɛ, ma nidigi la daŋni o li mu gantɛl.”

Mat. 5:18

Ma nu nan. Hali kina maga wa si peti, nandigi wa zi koti a nyɛ Koosa chiksɛ ta kiwewe wa si peti.

Mat. 6:16

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.

Mat. 6:2

“Adaha ma yaa tum tum were a nyɛ nara ni, ma ta mo luŋa yau ni awa ma bar lagmi dɛɛni ta ni a daŋni sɔn a chi nara bɔnɛ tum. Ba tum chene di nara pɛgi ba. Ma nu mu sɛma. Chenani nara pɛgi ba ya ba papaha.

Mat. 6:5

“Ma sumi Koosa, ma ta sumi a li gbampulim ni. Nara bɔnɛ daŋni ba chiŋi yau ni awa ba bar lagmi dɛɛni nɛɛ a sumi Koosa di nara na ba a pɛgi ba. Ma nu mu sɛma. Chenani nara pɛgi ba ya ba papaha,

Maak 10:15

Ma nyɛ mu ŋɔ ma nan. Nar la nɔɔni a chi bichɛla di Koosa dɔ un, Koosa zi wa dɔ unu.”

Maak 10:29

Yesu fun ŋɔ, “Wutirɛ n kaa ŋɔ ma nan. Nar gil o dama, o maanasa, o niinbisa, o nyana, o niina, o bisa awa o ŋmaha mu wa laaboor weri ti daha,

Maak 14:17

Saha funɛ wa tel wa ba di, Yesu wa o gantɛl tiŋsi ta fun wa kani aa di.

Maak 14:19

O gantɛl tiŋsi ta tusa fun chɔk. Ba pɛɛsi un nibɛgim bɛgima, “I bi minɛɛ?”

Maak 14:25

Mu sɛm ma wutirɛ, kinyɔɔli naa mu nyɔ nan, n wa zi bu nyɔ un hali mu wa nyɔ kinyɔɔli fali a li Koosa koor ti ni.”

Maak 14:9

N ŋɔ ma wutirɛ, doonani maga ba zi wa biksi Koosa laaboor weri ti, ba zi wa sɛm nihaan nɔ wɛu awa chenani o fun a tum nyɛ min. O sɔn zi wa chɔu aa la.”

Maak 3:28

“Ma nyɛ mu ŋɔ ma nan. Koosa koti a gil nara tum tagna maga awa chenani ba vɛ ya un jirima a nyɛ ba.

Maak 6:11

Amaa ma wa zu tɔ digi ka tɔhɔn ti nara vɛ la ma duuli koo a vɛ nu nyɛ ma, ma li dooni, a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Maak 8:12

Yesu miisa funɛ mo unu. O fun heeli a ŋɔ, “Yɛrɛ ma zinan nibinsa daŋni mu tum alaazibu tuma maa na? N ŋɔ ma wutirɛ, kin nawara maa daŋni chen, n wa zi nyɛ ma na a.”

Maak 9:1

Yesu fun ŋɔ ba, “Maa nu mu wati. Ma bɔnɛ nyɛn bar nɔ, ma wa zi sou hali Koosa zi wa dɔ nara wa kpok ni.”

Maak 9:41

Wutirɛ n sɛm ma, nar kpa ni tama a nyɛ ma di ma nyɔ domi maa ya Kristo nitiŋɛ daha, Koosa zi bɔ un o chimu.”

Luk 11:51

Ma nawaalsi ta funɛ te kpu nar ba yir Abɛl a fun wa tiŋ gantɛl a kpu Zɛkaraya gbanko a dugli bar kɔɔri ti a li Koosa bar jɛɛmi dam ti ni. Wutirɛ n ŋɔ ma chen, Koosa zi lɛrgi Ju tima ba naa nyɛn zinan diŋsau a ŋɔ di ba wa dɔ a naa maga siti nan.

Luk 22:21

“Ma na, ma naa wa min lagmi a di diwe digi li mu gantɛl.

Luk 4:24

Ma nyɛ mu ŋɔ ma di Koosa witiina tɔhɔn walɛ wara zaami un.

Jɔn 1:51

Doone Yesu fun burgi a ŋɔ ba naa nyɛn dooni, “Wutirɛ mu sɛm ma, ma zi na buudahau ka o puk ka Koosa malaikasa tu wa n waa nibine be wati a bur a zini kaali.”

Jɔn 13:18

“Sɛm naa mu sɛm ma nan, mu wa sɛm a a nyɛ ma maga nɛɛ. Min zim ba naa mu lisi a li ma tuhu niu. Ba funɛ sɔbiu a li Koosa sɛm tɔn ti ni a ŋɔ, ‘Mu wa naa di diwe nan zi li mu gantɛlu.’ Chenani ba sɔbi, sɛm nama nan zi ya wutiu.

Jɔn 13:21

Yesu funɛ sɛm nan peti, o bambi buri un ni kinkan. O fun ŋɔ ba, “Wutirɛ mu ŋɔ ma, ma nidigi a li ma tuhu ni zi li mu gantɛlu.”

Jɔn 13:22

O gantɛl tiŋsi ta fun nyini dɔŋ se ni a la lisi, antirɛ o zi bi nan?

Jɔn 13:38

Yesu fun burgi a pɛɛsi un, “I sir saksɛ di i sou a nyɛ minuu? Nu mu wati nɛnɛ. I zi te ŋɔ nara niu dusum nɔ di i wa zim min nɔ butora ka zimal zi yeli.”

Jɔn 21:18

Kinu mu wati nɛnɛ. I ha funɛ ya bunɔɔn, i ya funɛ di bunɔɔtau a gba i tutɔ ni. I wa hɛɛsi, i zi kpa i nisa a tɛu ka ba laari hin takta a kpa hin a la doonani i vɛ daŋni.”

Jɔn 3:11

Wutirɛ mu sɛm hin, kin naa mu sɛm hin nan, mu funɛ na au a zim a. Amaa i wa funɛ daŋni i nu a.

Jɔn 3:3

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Jɔn 3:5

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o siim weri ti a du un ni ka ba zi chaksi un wa ni ni.

Jɔn 5:19

Doone Yesu fun ŋɔ ba, “Chenani mu kaa sɛm ma nan ya wutirɛ. Mu waa Koosa be, wa kikoti a tum wu digi mu titi nyuhu ni. Mu zer mu nyan ninne a li mu tum maga ni.

Jɔn 6:26

Yesu fun ŋɔ ba, “Wutirɛ n sɛm ma, diwe naa mu dɛ kpa nyɛ ma di ma di puŋ chen, nyɛ ma dɛu mu bar nyɛni. Mu tum zene laata nyɛ ma dɛu mu bar nyɛni.

Jɔn 6:32

Yesu fun bu ŋɔ ba, “Wutirɛ mu ŋɔ ma, Mosis wa fun kpa diwe ta a li buudaharɛ a nyɛ ma nawaalsi ta ni. Mu kunyan Koosa ka funɛ kpa a a nyɛ ba. Lalaknɔ waa la nyɛ ma diwe titi maa di.

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Jɔn 6:70

Yesu fun ŋɔ ba, “Mu funɛ lisi ma nara fidalɛwa a li mu gantɛl tiŋsi ta ni, amaa ma nidigi ya sintana nibinere.”