Maak 13:13 - Tampulma

¹³ Nara maga zi wa ha mau domi maa tiŋ min daha. Nar di kanyita a vusi hali muksi ti wa peti, Koosa zi wa la o nyuhau a nyɛ un.”

Maak 13:13 Marejeleo ya Msalaba

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 24:13

Nar di kanyita a vusi hali muksi ti wa peti, Koosa zi wa la o nyuhau a nyɛ un.

Mat. 24:9

“Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha.

Maak 13:12

Chen saha ti wa tel, nibinsa zi wa kpa ba niinbisau a la nyɛ nara ni ba kpu ba. Bisa nyama gbanko zi wa ya chenu. Bisa vɛɛn kaa wa ya ba nyama awa ba numa chen.

Luk 21:17

Nara maga zi wa ha mau n sɔn daha.

Luk 6:22

“Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.

Jɔn 15:21

Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.

Jɔn 17:14

Sɛm naa maga i fun ŋɔ min chen, mu kpa au a ŋɔ ba. Tɛɛnɛ nɔ tim maga ha bau, domi ba wa ba wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Ju 10:39

Ya wa ya chen tima. Ya waa wa zi bur gantɛl a li Koosa ni o na ya galimsa a ta ya yɔri. Ya waa se ka zi su unu a la, chen ni wuzu digi o zi wa yisi yau a li ya tum tagna ni hali a wa peti.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

1 Jɔn 3:13

Mu niinbisa, ba naa la tiŋ tɛɛnɛ nɔ tim maga nyinbaan ha ma, ma ta nyɛ chen jɛri ma.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.