Maak 11:14 - Tampulma

¹⁴ Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” O gantɛl tiŋsi ta fun nu chen.

Maak 11:14 Marejeleo ya Msalaba

Mat. 21:19

Ba funɛ la chene, o fun na bugil naa ba yir ‘fig’ ka o chiŋi nyinbaan nɔ ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” Bugil ti kpachaga fun vaan loori ka o sou.

Mat. 21:33

Yesu fun bukoo ŋɔ ba, “Ma nyɛ mu ŋɔ ma jɛɛgi digi. Baal digi funɛ nyɛn doon a par o ŋma we. O fun baŋsi daasa a go un a du chɛɛnsa a baŋsi zaŋa a dɛu tumtumsa di ba wa il o ŋma we ti. O funɛ wa ya chen maga peti, o fun bu kaali tɔ bar boli.

Mat. 21:44

Buŋkul ti wa min ya kibɛgimnɛ. Ba naa vɛ nyɛ ba se su min chi ba naa val a wa mosi minnɛ. Ba naa se vɛ su min ka ba wa siti, o chi mu kaa wa chel ba nɛɛ a mɛrigi ba a du hɛɛra ni.))

Mat. 3:10

Ma chi bugila naa vɛ nɔnirɛ. Koosa saksɛ o saan zenu di o teŋsi ma a du din ni.

Mat. 7:19

Bugil naa vɛ nɔn nɔn were, ba yaa teŋ unu a dau a suk din du un ni.

Maak 11:13

O fun na bugil naa ba yir ‘fig’ ka o kpak kpachaga a chiŋi bar boli ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. O nɔni saha ha wa fun tel.

Maak 11:15

Ba fun la tel Jɛrusalɛm. Yesu fun la zu Koosa bar jɛɛmi dam ti ka niyogle awa niyawɛ fun nyɛn dooni. O fun la duŋni ba maga a li dooni. O fun burgi malɛ nichɛrɛ tima tebulsa a naa funɛ chiŋi dooni, a burgi ba naa la yogli kosa chen kuta a ta.

Jɔn 15:6

Ma ya chen, mu nyan ti zi teŋsi mau a ta ma sou. Nara zi wa haasi ma a lagmi dɔŋ ni a fu.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

JɔnN Deesi 22:11

Chen saha ti wa tel, ba naa la tum tum tagna awa tum doŋa, ba zi tum au a gbaari. Ba naa ka la tum tum were, ba zi tum au a gbaari. Ba naa ya tu chaan tima gbanko tusa zi chaaniu a gbaari.”