Maak 10:47 - Tampulma

⁴⁷ O funɛ nu di o ya Yesu Nazarɛtrɛ a kaali chen, o fun a tɛsi a yir un a ŋɔ, “Yesu hin koor Devid bi luli. Ɔm min siki a suŋi min.”

Maak 10:47 Marejeleo ya Msalaba

Mat. 1:1

Yesu Kristo nawaalsa nɛɛnɛ. Koor Devid funɛ ya Yesu nawaal bunirɛ. Abraham gbanko funɛ ya Yesu nawaal bunirɛ.

Mat. 12:23

Alaazibu fun kpak zɛmɛ ta. Ba funɛ pɛɛsi dɔŋa, “Baal nɔ, waa ya Devid bi luli naa Koosa ŋɔ di o zi tumu chenn?”

Mat. 15:22

Ba fun lul haan digi dooni. O fun wa sumi Yesu, “Mu kunyan koor Devid bi luli, kpak min siki. Alizin tagin kanɛ mu nihabichɛl nyuhu ni a vɛ weri.”

Mat. 2:23

di o la sa o dama a li tɔhɔn naa ba yir Nazarɛt a li Galili pulum ni. O fun ya chen, chenani Koosa witinsi ta fun sɛm saha digi, chen ya wuti. Ba funɛ ŋɔ di, “Koosa be la zi yir Nazarɛt nar.”

Mat. 20:30

Ba funɛ wa a la li dooni, nyulum nara balɛ fun nyɛn dooni a kani nyinbaan nɔ ni. Ba funɛ nu di Yesu la kaali chen, ba fun a tɛsi a yir un a ŋɔ, “Hin koor Devid bi luli, ɔm ya siki a suŋi ya.”

Mat. 21:11

Zɛmɛ ta bɔnɛ ba naa wa Yesu zu tɔhɔn ti, fun ŋɔ ba, “Koosa witiina Yesure. O li Nazarɛt naa nyɛn Galili pulum ni chene.”

Mat. 21:9

Ba funɛ nyɛn nyinbaan ti ni a la chene, ba naa funɛ te o suwachak awa ba naa funɛ tiŋ o gantɛl, ba maga fun a nyɛ un jirima a la chɛɛmi a ŋɔ, “Tabarkala. I waa Devid bi luli naa Koosa tum chen, yaa zaami hinu kinkan.”

Mat. 26:71

a fun si a la chiŋi bulzɔɔnɔ ni. Dam ti nihabichɛl digi fun bukoo na un a ŋɔ ba naa funɛ chiŋi dooni chen, “Baal nɔ ya Yesu Nazarɛt gantɛl tiŋsi ta digirɛ.”

Mat. 9:27

Yesu fun li dooni. O funɛ val nyinbaan ni chene, nyuluma nara balɛ fun na un a tiŋ un. Ba fun tɛsi a ŋɔ un, “Koor Devid be luli, ya sumi hinu di i kpak ya siki.”

Maak 1:24

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yau. Mu zimu di i ya tu chaan tiinne. I ya Koosa bere.”

Luk 4:16

Wuzu digirɛ Yesu fun kaali o tɔha Nazarɛt. Ju tima hiisi wuzu funɛ wa tel, o fun la zu ba bar lagmi dɛ a chiŋi a karimi Koosa sɛm tɔn.

Jɔn 1:46

Nataniɛl fun ŋɔ un, “Nibin weri wa kili dooni.” Filip fun ŋɔ, “Wa na un.”

Jɔn 19:19

Pailɔt fun ŋɔ o lanjimasi ta ni ba sɔbi o yaali a mari o daakakli ti ni. Chenani ba fun sɔbi ya, “Yesu Nazarɛt narrɛ. Waa ya Ju tim ta koora.”

Jɔn 7:41

Bɔnɛ fun ŋɔ, “Waa ya Kristo naa Koosa fun ŋɔ di o zi tumu chen.” Bɔnɛ ka fun bukoo ŋɔ, “Kristo wa zi ya Galili tim baal.

Jɔn 7:52

Ba fun pɛɛsi un, “I gbanko ya Galili tim narrɛɛ? Koosa sɛm tɔn ti bar digi wa to ba fun sɔbi di o witinsi ta digi ya Galili narrɛ.” ((

Tuma 6:14

Ya funɛ nuu ka o sɛm di Yesu Nazarɛt nar zi chɔk bar nɔu a chɛrgi nyinbaan naa Mosis fun ŋɔ ya nawaalsi ta di ba tiŋ.”

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”