Maak 10:32 - Tampulma

³² Ba fun nyɛn nyinbaan ni a la Jɛrusalɛm. Yesu fun te ba maga suwachak a gba aa la Jɛrusalɛm. O fun ya o gantɛl tiŋsi ta alaazibu. Ba naa maga funɛ tiŋ un, hansura fun a kpak ba maga. O fun waligi o gantɛl tiŋsa fidalɛ ta a ŋɔ ba chenani ba zi wa ya un,

Maak 10:32 Marejeleo ya Msalaba

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Maak 1:27

Nibinsa ba naa funɛ nyɛn dooni chen, o ya ba alaazibu kinkan. Ba funɛ ŋɔ dɔŋ ni, “Baŋa nɛɛnɛ? Baŋ biksi fali nɛɛnɛ? Ma wa na chenani o kpak kpok kinkan a koti a ŋɔ alizin tagna di a li nara ni a laa?”

Maak 4:34

O waa ya biksi ba wu digi a gbaari, see jɛɛgɛ duŋduŋ. O wa o gantɛl tiŋsi ta funɛ nyɛn ba duŋduŋ, o fun a biksi ba a maga muna.

Luk 10:23

Yesu wa o gantɛl tiŋsi ta fun tur la li bar digi ba duŋduŋ. O fun ŋɔ ba, “Ma wa kpak nyusumu a na chenani mu fun tum.

Luk 19:28

Yesu funɛ sɛm nan peti, o fun te ba suwachak a la Jɛrusalɛm.

Luk 9:51

Saha naa wuzu fun wa dugli di Yesu bur kila Koosa tɔhɔn ti, o fun kpak un o bambi ni di o bur a la Jɛrusalɛm.

Jɔn 11:16

Yesu gantɛl tiŋsi ta nidigi naa funɛ nyɛn o wati, ba yir un Tɔmas. Ba funɛ vɛɛn a yir un leure. O fun ŋɔ o dɔŋtim ta ni, “Ma nyɛ ya tiŋ ya kunyana, chen ni ya wa un zi sowu.”

Jɔn 11:8

Ba fun ŋɔ un, “Ya kunyana, chenani i kaa ya chen wa deŋli. O wa fun vusi ka Ju tima ba naa nyɛn dooni, fun pini buŋkula di ba yaksi hin.”