Maak 10:14 - Tampulma

¹⁴ Yesu funɛ wa na chen ni, o fun na paan a ŋɔ o gantɛl tiŋsi ta ni, “Ma nyɛ bichɛsi ta kuwa n wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?

Maak 10:14 Marejeleo ya Msalaba

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Mat. 18:4

Nar la nyini Koosa se ni a chi chenani o nyini o nyan se ni, waa ya ba naa maga Koosa dɔ nihɛɛ.

Mat. 19:14

Yesu fun ŋɔ o gantɛl tiŋsi ta ni, “Ma nyɛ bichɛsa ta kuwa mu wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?”

Mat. 5:10

Ba naa nara muksi kinkan domi baa tum chenani Koosa daŋni ba tumnɛ, o zi wa dɔ bau a nyɛ ba tu sɔɔna.

Mat. 5:3

O fun ŋɔ, “Ba naa zimɛɛ di ba daŋni Koosa suŋi ba, o zi wa dɔ bau a nyɛ ba tu sɔɔna.

Maak 3:5

Yesu fun na paan a nyini a go ba a zim di ba bambe kpoku. O fun ŋɔ baal ti ni di o tuuni o nin ti. O fun tuuni o nin ti. O nin ti fun vaan peti.

Maak 8:33

Yesu fun burgi a nyini a go o gantɛl tiŋsi ta a ŋɔ Pita ni, “Tur dooni, domi i lisi chi sintannɛ. Chenani i sɛm chen wa li Koosa wati. A li nibinsa watɛɛ.”

Jɔn 3:3

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Jɔn 3:5

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o siim weri ti a du un ni ka ba zi chaksi un wa ni ni.

Tuma 2:39

Chenani Koosa fun vɔu di o kpa a siim weri ti a du ya ni, o funɛ vɔu di o kpa nyɛ ma awa ma bisa wa ba naa nyɛn bar bole ni. Ba naa maga ya kunyan Koosa fun lisi a nyɛ o titi ni, o zi kpa unu a du ba bambe ni.”

Tuma 3:25

Vɔwɛ naa Koosa fun vɔu a nyɛ o witinsi ta kpa a a mɔɔli, awa chenani o wa ma nawaalsi ta fun ya nɔ bɛgim, a ya ma gbanko kinawa zinan. Ba funɛ sɔbiu a li Koosa sɛm tɔn ti ni di o ŋɔ Abraham ni, ‘Mu zi nyɛ i bi lulɛ kpa nyusumu a nyɛ tɛɛnɛ nɔ tim maga ni.’

Room 11:16

Ma lisi kikumɛ ta tama a nyɛ Koosa ni, o chi a magawa ma kpa nyɛ un. Bugil luta weree, o hulsa gbanko zi weru.

Room 11:28

Lalaknɔ Ju tim ta vɛu di ba wa zi nu Koosa laaboor weri ti a ya o dɔma. Nan nyɛ ma nyinbaan di ma tiŋ Koosa. Amaa saha digi o funɛ lisi bau a nyɛ o titi ni. Chendaha o zi wa kpak ba siki ba naa dɔ ba zɔɔnɔ daha.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 7:14

Nibaal naa vɛ ya Yesu nitiŋi a kpak haan naa la tiŋ Yesu, Koosa zi suŋi unu, domi o wa o haan ti ya nibɛgimnɛ. Nihaan naa gbanko vɛ tiŋ Yesu ka o baal ya Yesu nitiŋi, Koosa zi suŋi o haan tiu domi o wa o baal ti ya nibɛgimnɛ. O fu vɛ ya chen, Koosa fu wa zi suŋi ba bisa. Amaa ba nibɛgim ya Yesu nitiŋi daha, Koosa zi suŋi ba bisau.

Ɛfɛ. 4:26

Ma na paan a du nandigi ni, ma ta kpa chen a du ma tusi ni a vusi.

2 Tim. 1:5

Mu lisu di i niina, Yunis, awa i naha, Lois se su Yesu wuti ni. Mu zimu di i gbanko si su unu a chi ba.

2 Tim. 3:15

I gban funɛ zim Koosa sɛm tɔn tiu a li i bichɛsi ni. Waa funɛ koti a nyɛ i si su Yesu Kristo, chen ni o zi yisi hinu a li i tum tagna ni.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

JɔnN Deesi 14:5

O waa funɛ lisi ba a li ba tum tagna hali a wa peti. Nandigi wa kibu koti a fiksi ba.