Luk 9:7 - Tampulma

⁷ Hɛrɔd naa funɛ ya Galili tim koor chen, funɛ nu chenani Yesu gantɛl tiŋsi ta fun tum chen, o fun a muksi un kinkan. O fun nu ka nara bɔnɛ sɛm di Jɔn naa la chaksi nara wa ni ni chen si o sou niu.

Luk 9:7 Marejeleo ya Msalaba

Mat. 11:2

Jɔn naa funɛ chaksi nara wa ni ni chen, fun kpalimi Hɛrɔd dɛ naa ba tɔ nara chen. O funɛ nu chenani Yesu tum, Jɔn fun tum o gantɛl tiŋsi ta bɔnɛ o wati.

Maak 8:28

Ba fun ŋɔ, “Bɔnɛ yaa yir hin Jɔn naa la chaksi nara wa ni ni chen. Bɔnɛ yir hin Ɛlaija. Bɔnɛ ka ŋɔ di Koosa witinsi tima digi bur wa.”

Luk 13:31

Chen saha ti Farisi tim ta bɔnɛ funɛ wa ŋɔ Yesu ni, “Hɛrɔd daŋni o kpu hinu. Si bar nɔ a la.”

Luk 21:25

“Mu waa nibine be waali saha wa dugli, daanɛ zi wa nyɛn nha awa pɛna awa wula niu. Teku zi damu a chɛɛmi kinkan. Hansura zi wa kpak tɛɛnɛ nɔ maga narau kinkan a la gali.

Luk 23:7

Ba fun ŋɔ, “O ya Galili tim baallɛ.” Hɛrɔd funɛ ya Galili tim koora a fun gba la Jɛrusalɛm chen saha ti. Pailɔt funɛ nu di Yesu li o pulum nɛ, o fun ŋɔ o lanjimasi ta ni di ba kpa un a la Hɛrɔd wati.

Luk 3:1

Jɔn naa funɛ ya Zɛkaraya be, funɛ la zu nyabaan di o biksi nara Koosa wɛ, kaŋkoor zen naa ba funɛ yir Tibɛrias, funɛ kani o kor ni bun fidanyuunwa. Baal naa funɛ dɔ Galili pulum, chen sɔn funɛ ya Hɛrɔd. O niinbe, naa ba funɛ yir Filip chen, ka fun dɔ Ituria pulum awa Trakɔnaitis pulum. Baal naa funɛ dɔ Abilini pulum, chen sɔn funɛ ya Lisanias.

Luk 9:19

Ba fun ŋɔ, “Bɔnɛ yaa yir hin Jɔn naa la chaksi nara wa ni ni chene. Bɔnɛ yir hin Ɛlaija. Bɔnɛ ka ŋɔ di Koosa witinsi tima digi bur wa.”