Luk 9:51 - Tampulma

⁵¹ Saha naa wuzu fun wa dugli di Yesu bur kila Koosa tɔhɔn ti, o fun kpak un o bambi ni di o bur a la Jɛrusalɛm.

Luk 9:51 Marejeleo ya Msalaba

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

Luk 12:50

O lawa mu namsiu kinkan. Mu tuha wa sɔɔni hali mu namsi saha wa peti.

Luk 13:22

Yesu funɛ la Jɛrusalɛm, o fun val a la zu tɔsa awa tɔ wisa a biksi nara.

Luk 17:11

Yesu funɛ nyɛn nyinbaan ni a li Jɛrusalɛm chene, o fun la gali Samaria pulum awa Galili pulum ni.

Luk 18:31

Yesu awa o gantɛl tiŋsa nara fidalɛ funɛ nyɛn nyinbaan nɛɛ aa la, o fun kpa ba a kaali ba duŋduŋ a ŋɔ ba, “Yaa la Jɛrusalɛmnɛ. Ya wa tel dooni, chen naa maga Koosa witinsi ta fun sɔbi mu waa nibine be wɛ zi wa ya wutiu.

Luk 19:11

Ba naa funɛ nu o sɛm ta fun lisi di Koosa koor ti zi wau lalaga. Yesu funɛ dugli Jɛrusalɛm. Chendaha ba fun lisi chen. Adaha o fun jɛɛgi jɛɛgi,

Luk 19:28

Yesu funɛ sɛm nan peti, o fun te ba suwachak a la Jɛrusalɛm.

Luk 24:51

O funɛ sumi Koosa a du ba ni chene, a zini kaali buudaha Koosa wati.

Luk 9:57

Ba funɛ nyɛn nyinbaan ni aa la, baal digi fun wa ŋɔ Yesu ni, “N saksɛu di n tiŋ hin a la doonani ii la.”

Jɔn 13:1

O funɛ ka wuzu bɛgimnɛ di val la gali wuzu zen ti tel. Yesu funɛ zimu di o kpaki saha ti duglɛu di o li tɛɛnɛ nɔ maga ni a bur kila o nyan ti wati. Chenani o funɛ daŋni ba naa o dɔ wa funɛ bur gantɛl.

Jɔn 16:28

Mu funɛ li o watɛɛ a wa tɛɛnɛ nɔ maga. Lalaknɔ mu saksi di mu li a bur a la o wati.”

Jɔn 16:5

“Lalaknɔwa mu saksi di mu bur la naa funɛ tum min ma wati. Ma nidigi ha wa wa pɛɛsi min di leene mu la.

Jɔn 17:11

Lalaknɔ mu saksi di mu li tɛɛnɛ nɔ maga ni a wa i wati ka ba kpalimi gantɛl ni. Mu nyana naa ya tu chaan tiina, i funɛ lisi ba a nyɛ min. Kpa i kpok ti a nyini ba nɛnɛ a suŋi ba ba kpak nɔ bɛgim a chi ya.

Jɔn 6:62

Ma wa na n waa nibine be ka mu bur a la zu Koosa tɔhɔn ti, yɛrɛ ma zi lisi?

Tuma 1:2

O laali saha funɛ wa dugli di o la, o fun nyɛ Koosa siim weri ŋɔ o nitumɛ ba naa o fun yisi a nyɛ o titi ni, chenani ba zi tum. O funɛ ya chene, Koosa zer un a zini o tɔha.

Tuma 1:9

Yesu funɛ sɛm peti, Koosa fun zer un a zini o tɔhɔn ti. Ba funɛ nyini un chene ka o zini a la, dobaal fun wa tɔ un.

Ɛfɛ. 1:20

naa o fun kpa a lɛli Yesu Kristo a li o sou ni a kansi o nihɛɛ bar kani ni a li o tɔhɔn ti ni, ya kibɛgimnɛ.

Filip. Tima 3:14

Koosa funɛ yir min di mu wa lagmi Yesu Kristo ni a nyɛn o tɔhɔn ti ni wuzu digi. Chendaha mu kpaŋi mu titi di mu ya chen.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 6:20

Yesu ya ya Koosa dam kɔkɔɔra a chi Mɛlkizidɛk hali saha naa vɛ kpak bɔ. Waa funɛ te ya suwachak a la zu dooni ya daha.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.