Luk 9:41 - Tampulma

⁴¹ Yesu fun burgi a ŋɔ zɛmɛ ta ni, “Ma zinan nara tum tum tagniwa ka ma se vɛ su min. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita?” O fun ŋɔ be ti nyan ni, “Kpa i be ti kuwa mu wati.”

Luk 9:41 Marejeleo ya Msalaba

Mat. 11:28

“Ma naa maga chuŋi ma bun yuga a ku chen, ma wa n wati. N zi nyɛ ma hiisiu.

Mat. 12:39

Yesu fun ŋɔ ba, “Ma zinan nibinsa vɛ Koosirɛ kinkan a la tum tum tagna. Mu wa la nɔɔni di mu tum alaazibu tum a nyɛ ma lalaknɔ. Alaazibu tum naa ma zi wa na wuzu digi kaa wa chi chenani Koosa fun tum nyɛ o witiina Joona ni saha digi chene.

Mat. 12:45

O bukoo li a gba a dɛu o dɔŋtima alizin tagna kina nɔpɛ a kpa a a bur wa zu dooni. Alizin tagna nɔpɛ ta tum tagna kaali o tuma. Saha naa alizin tagin ti fun tum o tuma peti, chenani baal ti du fun bukoo tagini a kaali o piili ti ni. Nannɛ o zi wa du zinan nara ba naa la tum tum tagna ni.”

Mat. 16:4

Yesu fun bukoo ŋɔ ba, “Ma zinan nibinsa vɛ Koosirɛ kinkan a la tum tum tagna. Mu wa la nɔɔni di mu tum alaazibu tum a nyɛ ma lalaknɔ. Alaazibu tum naa ma zi wa na wuzu digi zi chi chenani Koosa fun tum nyɛ o witiina Joona ni saha digi chene.” Yesu fun gil ba a kaali.

Mat. 17:17

Yesu fun ŋɔ un, “Ma zinan nara se wa su min. Saha maga ma yaa tum tum tagniwa. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Mat. 23:36

Wutirɛ n ŋɔ ma, Koosa zi wa lɛrgi Ju tima ba naa nyɛn zinan diŋsau a ŋɔ di ba wa dɔ kin nama.”

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Maak 10:14

Yesu funɛ wa na chen ni, o fun na paan a ŋɔ o gantɛl tiŋsi ta ni, “Ma nyɛ bichɛsi ta kuwa n wati. Ma ta duŋni ba. Ma wa zim di ba naa se su min a chi bichɛsa, ba waa nyɛn Koosa koor ti nii?

Maak 10:49

Yesu fun chiŋi a ŋɔ di ba yir un o wa. Ba fun yir un a ŋɔ, “Nyɛ i bara sɔɔni ka i si a wa. O yir hinu.”

Maak 9:19

Yesu fun ŋɔ un, “Ma zinan nara se wa su min. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Luk 8:25

O fun ŋɔ ba, “Ma se wa su minn?” O fun ya ba alaazibu kinkan ka hansura zu ba. Ba funɛ pɛɛsi dɔŋa, “Baal nɔ, baŋ nibine ya un? Hali o koti a sɛm sɛma peha awa ni wati a nu o nɔ.”

Luk 9:40

N sumi i gantɛl tiŋsi ta di ba duŋni alizin tagin ti a li mu be ti ni. Ba wa fun koti a duŋni un.”

Luk 9:42

O funɛ kpa be ti a wa, alizin tagin ti fun si un ni kinkan a zer un a lɔ tɛɛnɛ ti ni. Yesu fun ŋɔ alizin tagin ti ni o li be ti ni ka o tiibi un a nyɛ o bur kaali o nyan ti wati.

Jɔn 14:9

Yesu fun ŋɔ un, “Filip, yɛrɛ i pɛɛsi min chen ni? Ma wa min nyɛn vusiu. I ha wa vɛɛn zim nibine naa ya minn? Nara maga na min, mu nyan tirɛ ba na chen.

Jɔn 20:27

Yesu fun chiŋi a ŋɔ Tɔmas ni, “Kpa i nin a gbaŋsi doonmani ba fun kpaasi chen a bu kpa i nin a tau mu lɔgum hɛn ti ni. Ta beeli a nyɛ i si su di mu si mu sou nɛɛ.”

Tuma 13:18

a suŋi ba bun fumnaasi a li nyabaan ni. Hali ba funɛ namsi unu kinkan, amaa o wa fun gil ba suŋi.

Tuma 2:40

Sɛm ta maga laata Pita fun sɛm zɛmɛ ta. O funɛ kpaŋi o titirɛ di o sɛm ta zu ba bambe a ŋɔ, “Ma yisi ma titi a li tum tagna nitumɛ na wati, chen ni Koosa wa zi wa lɛrgi ma diŋsa a chi chenani o kaa wa lɛrgi ba kina.”

Room 2:4

I baa di chenani Koosa ya niwerire kinkan i wati a kpak hin wa kanyita, chen ya yɔrirɛɛ? I wa zim di Koosa ya niwerire kinkan i wati, chen i zi gil i tum tagna a bur tiŋ unn?

Ju 3:19

Yɛrɛ Koosa fun ŋɔ di ba wa zi zu o bar hiisi ti? O fun ŋɔ ba chene domi ba se wa fun su un.

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

Ju 4:2

Ba funɛ wa biksi ya Koosa laaboor weri ti wɛ a chi chenani Mosis gbanko fun biksi ba chen. Amaa ba wa fun na nyɔɔra a li un ni, domi ba se wa fun su un.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.