Luk 9:39 - Tampulma

³⁹ Alizin tagin nyɛn un ni a yaa nyɛ o huusi. O bara maga yaa gigmi o chel tɛɛnɛ ni ka nantɔ fukla li o nɔ ni. O nyɛ o namsi kinkan a vɛ li un ni.

Luk 9:39 Marejeleo ya Msalaba

Maak 9:18

Alizin tagin ti yaa si un ni a zer un lɔ tɛɛnɛ ni. Saha naa maga o yaa zer un lɔ. Nantɔ fukla yaa li o nɔ ni ka oo se o nyina. O bara maga gigmi. N sumi i gantɛl tiŋsi ta di ba duŋni alizin tagin ti a li mu be ti ni. Ba wa fun koti a duŋni un.”

Maak 9:20

Ba fun kpa un a wa. Alizin tagin ti funɛ wa na Yesu, o fun bukoo si kinkan a zer be ti a lɔ tɛɛnɛ ni. O fun a bilimsi. Nantɔ fukla a li o nɔ ni.

Maak 9:26

Alizin tagin ti fun huusi kinkan a si un ni kinkan a li. O funɛ wa li un ni, ba nidamata fun ŋɔ di o sou.

Luk 4:35

Yesu fun ŋɔ alizin tagin ti ni, “Gil chɛɛma a kili baal ti ni.” Alizin tagin ti fun zer baal ti a lɔ ba suwachak ni a li un ni a vɛ huusi un.

Luk 9:38

Zɛmɛ ta nidigi fun ŋɔ un, “Mu kunyana, nyini mu be bɛgim nɔ bar nɔ.

Luk 9:40

N sumi i gantɛl tiŋsi ta di ba duŋni alizin tagin ti a li mu be ti ni. Ba wa fun koti a duŋni un.”

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.