Luk 9:12 - Tampulma

¹² Nha funɛ wa dugli cheli, o gantɛl tiŋsa fidalɛ ta fun wa ŋɔ un, “Bar nɔ ya nyabaannɛ. Nyɛ zɛmɛ ta kila ŋmaana awa tɔ wisa a naa go bar nɔ a la yau diwe a di a dɛu bar hiisi.”

Luk 9:12 Marejeleo ya Msalaba

Mat. 14:13

Yesu funɛ nu laaboor ti, o fun zu arŋa a la ji a kaali nyabaan o duŋduŋ. O funɛ la chene, nidamata fun a na un a li ba tɔsi ni a kpa ba naŋgere a chɔ a te o suwachak a la tel doon ka o zi wa.

Mat. 15:23

Yesu wa fun sɛm un wu digi. O gantɛl tiŋsi ta fun wa sumi un, “Duŋni nihaan nɔ ta. O tiŋ yau a chɛɛmi.”

Mat. 15:32

Yesu fun yir o gantɛl tiŋsi ta a ŋɔ ba, “Nara nama wɛ kpak min sikirɛ, domi wuzu butoranɛ ba nyɛn mu wati a vɛ kpak diwe a diili. N ta ba nyinbaan di ba la ba damsa awa lɔsa ni, ba zi la gbarigi nyinbaan niu.”

Luk 9:11

Zɛmɛ ta funɛ nu di ba kaalu, ba fun tiŋ ba kaali. Yesu fun la ba du a biksi ba Koosa koor ti wɛ a tiibi ba wichɔɔrsa.

Luk 9:13

Yesu fun ŋɔ ba, “Ma titi nyɛ ba diwe ba di.” Ba fun pɛɛsi un, “Ei, yɛrɛ ya kaa ya na diwe a nyɛ nara nama ni ba di? Ya kpak boroborosa nyuu awa nyinsa lɛwa ya wati bar nɔ.”

Jɔn 6:1

Ju tim ta funɛ kaali, Yesu awa o gantɛl tiŋsi ta fun si dooni a bur kaali a la ji Galili bɛɛn ti jibaŋ kinkin ti. O sɔn digi funɛ vɛɛn ya Tibɛrias bɛɛŋa.

Filip. Tima 1:19

Maa sumi Koosarɛ mu daha ka Yesu Kristo siim weri ti kisuŋi min. Chendaha mu zimu di ba zi wa yisi minu a li dɛ nɔ ni. Kin nama daha, mu tuha gbanko sɔɔni kinkan aa la.