Luk 9:11 - Tampulma

¹¹ Zɛmɛ ta funɛ nu di ba kaalu, ba fun tiŋ ba kaali. Yesu fun la ba du a biksi ba Koosa koor ti wɛ a tiibi ba wichɔɔrsa.

Luk 9:11 Marejeleo ya Msalaba

Mat. 12:15

Yesu funɛ nu nan wɛ, o funɛ li dooni a kaali. Nidamata fun tiŋ un. O fun tiibi ba wichɔɔrsa maga,

Mat. 14:14

Yesu funɛ wa li arŋ ti ni, o fun na zɛmɛ kinkan ka ba chiŋi dooni. Ba wɛ fun ya un siki ka o tiibi ba wichɔɔrsa.

Mat. 21:31

Doone Yesu fun pɛɛsi ba, “Ba nara balɛ na, anti tum chenani ba nyana daŋni?” Ba fun ŋɔ un, “Nihɛɛ ti.” Yesu fun bukoo ŋɔ ba, “Wutirɛ mu sɛm ma, lampo nilalɛ ta awa nihaana ba naa la daŋni nibaala yɔri yɔri, ba waa la zi gil ba tum tagna a te ma suwachak a zu Koosa koor ti.

Mat. 21:43

Yesu funɛ sɛm a la mak o bɔ, o fun ŋɔ ba, “Baal ti ŋmaha ti chi Koosa koor tire. Koosa zi wa duŋni mau a li o koor ti ni a bu nyɛ ba naa la tum tum were chiŋi ma bar chiŋi ni.” ((

Luk 1:53

Ba naa zimɛɛ di Koosa ya ba wu werewa, waa la zi suŋi ba, amaa o burgi o gantɛllɛ a chak ba naa vɛ zim un.

Luk 5:31

Yesu fun nu chenani ba pɛɛsi a ŋɔ ba, “Nibinsa ba naa kpak alaafɛ, ba wara la lure tiin wati. Amaa ba naa vɛ kpak alaafɛ, ba waa ka le la lure tiin wati.

Luk 8:1

Wuzu bile wuzu Yesu wa a gantɛl tiŋsa fidalɛ ta fun gba a zu tɔ damata awa tɔ wisa a biksi Koosa laaboor weri ti di o daŋni o dɔ narawa.

Luk 8:10

O fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Ba naa ka la nu mu wati, ba kpak seu a vɛ naali. Mu ŋɔ bau, ba ka wa zim mu sɛm ta mun. Chendaha mu jɛɛgi jɛɛgɛ a nyɛ ba.”

Luk 9:10

Yesu nitumɛ fidalɛ ba naa o fun tum chen, bur wa o wati a ŋɔ un kin naa maga ba tum. Ba funɛ sɛm peti, o wa ba fun kaali tɔhɔn naa ba yir Bɛtseida chen ba duŋduŋ.

Luk 9:12

Nha funɛ wa dugli cheli, o gantɛl tiŋsa fidalɛ ta fun wa ŋɔ un, “Bar nɔ ya nyabaannɛ. Nyɛ zɛmɛ ta kila ŋmaana awa tɔ wisa a naa go bar nɔ a la yau diwe a di a dɛu bar hiisi.”

Luk 9:2

O funɛ daŋni o tum bau ba la biksi nara di Koosa daŋni o dɔ bau.

Jɔn 4:34

Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Jɔn 6:37

Ba naa mu nyan ti fun kpa nyɛ min chen, zi wa mu watiu n la ba du. Mu wa zi kut vɛ ba naa maga wa mu wati.

Tuma 28:31

O fun kpak bambi a biksi ba di saha naa Koosa kaa wa dɔ nara chen telu awa ya kunyana Yesu Kristo wɛ. Nandigi wa fun to a tɔ un nyinbaan di o ta sɛmi.

Room 10:14

Ba se vɛ un, yɛrɛ ba kaa yir o sɔn di o yisi ba a li ba tum tagna ni? Ba fu vɛ nu o wɛ, yɛrɛ ba se fu zi koti a su unn? Nara fu vɛ biksi ba o wɛ, yɛrɛ ba fu kaa ya a nu o wɛ?

Room 10:17

Nara funɛ wa biksi ya Koosa laaboor weri ti wɛ. Waa ya Kristo wɛ. Ya funɛ nu un, chen nyɛ ya se su un.

Room 15:3

Kristo wa fun lisi o duŋduŋ kina wɛ. Ba funɛ sɔbi a li Koosa sɛm tɔn ti ni di o ŋɔ Koosa ni, “Zoma naa nara fun pini a du hin ni, ba pini a du min nɛɛ.”

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Ju 4:16

Domi ya Koosa dam kɔkɔɔr ti chiŋɛ ya bar chiŋi ni Koosa suwachak ni, ma nyɛ ya kpak bambi. Koosa zi wa kpak ya sikiu a kisuŋi ya saha naa maga ya daŋni un.