Luk 8:47 - Tampulma

⁴⁷ Haan ti wa fun bu koti a sogli o titi a li zɛmɛ tima ni. Hansura fun a kpak un kinkan. O bara fun a jigiri. O fun wa gbiri o suwachak ni a ŋɔ un chenani o gbaŋsi o takta a vaan na alaafɛ. Zɛmɛ ta maga fun chiŋi a go un a nu chenani o sɛm Yesu ni.

Luk 8:47 Marejeleo ya Msalaba

Mat. 28:8

Nihaan tima tusa fun sɔɔni kinkan amaa hansura gbanko funɛ nyɛn ba niu. Ba fun si a chɔ kaali lalaga di ba la ŋɔ o gantɛl tiŋsi ta ni chenani malaika ti sɛm ba.

Maak 5:33

Hansura fun kpak haan ti kinkan. O bara fun a jigiri. O fun zim di Yesu tiibi unu a fun wa gbiri o suwachak ni a sɛm o tuha chaani maga a nyɛ un.

Luk 8:46

Yesu fun ŋɔ un, “Nandigi gbaŋsi min, domi mu kpok ti bar digi li min ni.”

Luk 8:48

Yesu fun ŋɔ un, “N be, i si suuli nyɛ i na alaafɛu. Kila dama awa tu sɔɔn ni.”

Tuma 16:29

Niili ti fun ŋɔ di ba kpa fitin kuwa a chɔ a la gbiri Pɔɔl awa Sailas suwachak ni. Hansura fun kpak un kinkan o bara jigiri.

1 Kɔr. 2:3

Mu funɛ nyɛn ma wati, mu wa fun kpok. Mu funɛ a ɔmu kinkan, ka mu bara vɛɛn a jigiri.

2 Kɔr. 7:15

O lisi chenani ma fun la un a du a kpa ma titi a nyɛ un a saksi di ma tiŋ o nɔ. Lalaknɔ oo daŋni mau a gbaari chen daha.

Filip. Tima 2:12

Mu bi daŋnɛ, mu funɛ nyɛn ma wati, ma funɛ tiŋ mu nɔu. Lalaknɔwa mu vɛ nyɛn ma wati, waa ya kibirigi wa ma ha vɛɛn tiŋ mu sɛm ta nɛnɛ. Saha maga maa nyɛ Koosa wa jirima kinkan aa kitum chenani deŋlee a chi ba naa Koosa yisi a li ba tum tagna ni.

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.