Luk 8:18 - Tampulma

¹⁸ “Ma doso a kinu mu biksi nɔ nɛnɛ. Nar la nu nɛnɛ, Koosa zi suŋi unu o zim a gbaari. Nar ka vɛ nu nɛnɛ, tam naa o zim chen, Koosa zi yisi au o wati.”

Luk 8:18 Marejeleo ya Msalaba

Mat. 13:12

Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Mat. 25:29

Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Maak 13:14

“Maa nu mu sɛm na nɛnɛ. Saha naa ma wa na kundɔŋ kitagin naa kaa nyɛ nara wa na namsi kinkan ka o chiŋi doonani o vɛ lawa o chiŋi, ba naa nyɛn Judia pulum ni, ba si chɔ lalaga a la sogli kuŋkule nyuuna bar nyɛni ni.

Luk 19:26

O fun ŋɔ un, ‘Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Luk 9:44

“Ma ta suglɛ chenani mu ŋɔ ma. Ba zi wa kpa n waa nibine beu a du nara nisa ni.”

Jɔn 15:2

O yaa ŋmɛnsi hulsa a naa vɛ nɔni chenu a ta, a ŋmɛnsi a naa la nɔn chen a bura nɔn kinkan.

Tuma 10:33

Mu fun vaan tum ba di ba la yir hin. I ka ya nibin weri a wa. Lalaknɔ ya maga lagmi bar nɔwa Koosa suwachak ni a pɔ di i ŋɔ ya chenani o ŋɔ hin.”

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

1 Kɔr. 14:37

Ma naa la sɛm di maa sɛmu a li Koosa kpok ti ni, akoo ma kpak o siim weri ti papaha tirɛ, o lawa ma gbanko zimu di chenani mu sɔbi a nyɛ ma nan ya ya kunyan ti chiksirɛ.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

1 Kɔr. 8:2

Nar lisi di o nɛɛgɛu, o wa zim kundɔŋ a chi chenani o fu zi zim,

Filip. Tima 3:4

Nandigi kote a kpak wu digi a li chenani nara tum tuma a li ba titi kpok ni, mu zi kaali ba magau.

Ju 2:1

Chendaha o lawa ya kpaku nɛnɛ a li wuti biksi naa ya fun a nu a gbaari ni. Ya ya chen, ya wa zi a bur Koosa wuti nyinbaan ti ni.