Luk 8:14 - Tampulma

¹⁴ Kiduhu naa funɛ chesi sɔti ta bar nyɛni ni chen chi ba naa nu laaboor ti, amaa tɛɛnɛ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Luk 8:14 Marejeleo ya Msalaba

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Maak 4:19

amaa ba tɛɛnɛ nɔ wi yaalɛ awa ba malɛ daŋni kinkan awa ba wi lise maga wa zu ba bambe ni a chɔk laaboor weri ti, chen ni o wa kikoti a lul ba tusa ni.

Luk 16:13

“Nibɛgim wa kisuŋi nihɛɛti nara balɛ. O kaa ya chen, o zi daŋni digiu a vɛ digi. O si zi su digiu a ta nyɛ digi wa jirima. Chen vɛɛna, ma wa kisuŋi Koosa a kpak kina a ya ma nihɛɛ.”

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Luk 8:13

Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Luk 8:7

Kiduhu ti bɔnɛ ka fun chesi sɔta bar nyɛni ni a nyu a zini. Sɔti ta gbanko fun nyu a si a tɔ a. Chendaha a wa fun koti a lul.

Jɔn 15:6

Ma ya chen, mu nyan ti zi teŋsi mau a ta ma sou. Nara zi wa haasi ma a lagmi dɔŋ ni a fu.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.

Ju 6:1

Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,