Luk 8:13 - Tampulma

¹³ Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.

Luk 8:13 Marejeleo ya Msalaba

Maak 6:20

Hɛrɔd funɛ ɔm Jɔnu a la nyɛ un jirima, domi o funɛ zim di Jɔn ya nibin werere. Adaha o fun vɛ la nɔɔni di ba kpu un. Hali Jɔn sɛm ta fun muksi un kinkan, amaa o ha funɛ vɛɛn a daŋni o nu o sɛm tau.

Luk 8:12

Kiduha naa funɛ chesi nyinbaan ti ni chen chi o laaboor weri naa nibinsa nurɛ. Sintana fun si lalaga a wa yisi laaboor ti a li ba bambe ni, chen ni ba se wa zi su un. Koosa wa zi koti a yisi ba a li ba tum tagna ni.

Luk 8:14

Kiduhu naa funɛ chesi sɔti ta bar nyɛni ni chen chi ba naa nu laaboor ti, amaa tɛɛnɛ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Jɔn 15:2

O yaa ŋmɛnsi hulsa a naa vɛ nɔni chenu a ta, a ŋmɛnsi a naa la nɔn chen a bura nɔn kinkan.

Jɔn 15:6

Ma ya chen, mu nyan ti zi teŋsi mau a ta ma sou. Nara zi wa haasi ma a lagmi dɔŋ ni a fu.

Jɔn 5:35

Jɔn funɛ chi fitin chaanirɛ ka ma tusa fun sɔɔni di ma kani o mun ni tama.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 15:2

Ma nu laaboor weri ti, Koosa zi wa yisi mau a li ma tum tagna ni hali o wa peti. Ma se vɛ su un wuti, o wa zi wa ya chen a nyɛ ma.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Gal. 3:4

Ma namsi maga ya yɔrirɛ ma watii? Mu kpak bambi di o wa ya yɔri.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

1 Tim. 1:19

a kpak nɛnɛ aa tiŋ un wa tuha bɛgim ni. Bɔnɛ ka wa fun tiŋ wa tuha bɛgim a bur a chɔk ba se suuli kinkan.

Ju 10:39

Ya wa ya chen tima. Ya waa wa zi bur gantɛl a li Koosa ni o na ya galimsa a ta ya yɔri. Ya waa se ka zi su unu a la, chen ni wuzu digi o zi wa yisi yau a li ya tum tagna ni hali a wa peti.

Jems 2:26

Nibine bara vɛ kpak siima, o ya yɔrirɛ. Nibine si su Koosa a vɛ tum tum were, o si suuli ti gbanko ya yɔrirɛ.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

2 Pita 2:22

Chenani ba fun tum biksi ya di jɛɛgɛ ta ya wutirɛ. Ya ŋɔ, “Vaha yaa ok, a bur la di un. Kurchu naa ba sɔ ni, yaa bur a la chɔ vɛrɛ ni.”

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

Juud 1:12

Ba wa ma lagmɛɛ di ma di diwe, ba nyini ba duŋduŋnɛ a la di a la nyɔ kinkan. Chen la chɔk ma lagmi ti. Ba chi dobaala naa peha ya a vɛ mi doone. Ba chi bugili naa vɛ koti a nɔɔnirɛ, chen ni nara wa hur a luta a chɛsi a siti.