Luk 7:47 - Tampulma

⁴⁷ N ŋɔ hinu di mu gil o tum tagna a nyɛ un. Chendaha o biksi di o daŋni minu kinkan. Ba naa la tum tum tagna tama ka n gil nyɛ ba, ba gbanko daŋni min tamnɛ.”

Luk 7:47 Marejeleo ya Msalaba

Mat. 10:37

“Nar la daŋni o nyana koo o niina a kaali min, o wa deŋli di o tiŋ min. Nar la daŋni o nibabichɛla koo o nihabichɛla a kaali min, o gbanko wa deŋli di o tiŋ min.

Luk 7:39

Farisi tim ta baal naa funɛ yir Yesu di o wa ba di diwe chen, funɛ na chenani nihaan ti tum, o fun lisi o bambi ni, “Baal nɔ sir ya Koosa witinsa ta digirɛ, o fu zi zim di haan naa la gbaŋsi un nan, ya tum tagna nitumirɛ.”

Luk 7:46

I wa fun biti nu a du n nyuhu ni di i nyɛ min jirima, amaa o ka wa tɔ mu naŋgere ta maga wa nu naa sɔɔra were ni.

Luk 7:48

Doone Yesu fun burgi a sɛm haan ti ni, “N gil i wu tagnau a nyɛ hin.”

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

1 Jɔn 4:19

Ya daŋni unu domi waa te a biksi ya di o daŋni yau.

1 Jɔn 5:3

Naa la daŋni Koosa zi tiŋ o nɔu. Chenani o daŋni ya tum wa bɔm.