Luk 7:40 - Tampulma

⁴⁰ Yesu fun ŋɔ un, “Simɔn, n daŋni n ŋɔ hin wu digirɛ.” O fun ŋɔ, “Mu kunyana, ŋɔ min.”

Luk 7:40 Marejeleo ya Msalaba

Mat. 26:49

Ba funɛ wa tel ba wati, Judas fun vaan kaali Yesu wati a la zaami un a ŋɔ, “Mu kunyana,” a mɔksi un a chi chɛnsa yaa mɔksi dɔŋ chen.

Mat. 7:22

O wa wa di o wa di tɛɛnɛ nɔ maga sɛria, nidamata zi wa ŋɔ minu ‘Ya kunyana. Ya funɛ biksi nara Koosa laaboor weri ti wɛ a li i sɔn daharɛ. Ya gbanko funɛ kpa i sɔnnɛ a duŋni alizin tagna a ta nara ni a la tum alaazibu tuma kinkan.’

Luk 18:18

Chen saha ti Ju tim ta nihɛɛ digi fun wa pɛɛsi Yesu, “Mu kunyan weri, yɛrɛ n kaa ya a wa na Koosa miisa naa vɛ kpak bɔ?”

Luk 5:22

Yesu funɛ piin zimu o tuhu ni chenani ba lisiu a pɛɛsi ba, “Baŋnɛ maa lisi ma bambe ni nan ni?

Luk 5:31

Yesu fun nu chenani ba pɛɛsi a ŋɔ ba, “Nibinsa ba naa kpak alaafɛ, ba wara la lure tiin wati. Amaa ba naa vɛ kpak alaafɛ, ba waa ka le la lure tiin wati.

Luk 6:8

Yesu funɛ zim chenani ba lisiu a ŋɔ baal naa nin funɛ sou chen, “Si a wa,”

Luk 7:39

Farisi tim ta baal naa funɛ yir Yesu di o wa ba di diwe chen, funɛ na chenani nihaan ti tum, o fun lisi o bambi ni, “Baal nɔ sir ya Koosa witinsa ta digirɛ, o fu zi zim di haan naa la gbaŋsi un nan, ya tum tagna nitumirɛ.”

Luk 7:41

Yesu fun bukoo a ŋɔ un, “Nara balɛ funɛ nyɛn dooni. Ba fun wa pɛŋ malɛ a li malɛ tiin wati. Digi funɛ pɛŋ sidi tusugsa nyuunwa, digi ka pɛŋ sidi tusuga.

Jɔn 13:13

Ma yaa yir min ma kunyana naa la biksi ma Koosa wɛ. Chen deŋlee, domi mu sir ya ma kunyannɛ.

Jɔn 16:19

Yesu funɛ zimu di ba daŋni o suŋi bau. O fun ŋɔ ba, “Ma na dɔŋwa a li chenani mu fa sɛm ma chen, mu wa zi nyɛn ma wati a vusi a bur na ma lalaga.

Jɔn 16:30

Ya gbanko zimu di i zim kina magau, hali chenani ya lisi ya bambe ni. Chendaha ya se su di i li Koosa watɛɛ a wa ya wati.”

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”