Luk 7:33 - Tampulma

³³ Jɔn naa funɛ chaksi nara wa ni ni chen, funɛ wa a vɔu o nɔ, nara maga fun ŋɔ di alizin tagin kanɛ o nyuhu ni.

Luk 7:33 Marejeleo ya Msalaba

Mat. 10:25

Nibuksi ti ta daŋni o kaali o nibiksi ti, amaa o kpaŋi o titi ka ba mak dɔŋa. Yom ti gbanko ta daŋni o kaali o kunyan ti. O na nyinbaan o nyɛ o wa o kunyan ti mak dɔŋa. Biɛlzɛbub ya alizin tagna maga nihɛɛ. Nara yir min o sɔn ti, ba zi yir mu gantɛl tiŋsi ta gbanko o sɔn ti.”

Mat. 3:1

Chen saha ti baal naa ba funɛ yir Jɔn fun si a wa nyabaan naa nyɛn Judia pulum ni. O funɛ biksi narau Koosa wɛ a la chaksi ba wa ni ni.

Mat. 3:4

Jɔn kilaarɛ funɛ ya lakom tɔnnɛ, ka o kpa ganɛ a vɔu o chɛra. O funɛ di hɔɔna awa toon.

Maak 1:6

Jɔn kilaarɛ funɛ ya lakom tɔnnɛ, ka o kpa ganɛ a vɔu o chɛra. O funɛ di hɔɔna awa toonne.

Luk 1:15

Koosa zi wa nyɛ o ya nibin zenu o se ni. O wa zi wa nyɔ sin kpok, ka Koosa kpa o siim weri a du un ni. Saha naa ba zi wa lul un a kpa la, Koosa siim weri ti zi wa si un niu.

Luk 7:32

Ba chi bichɛsa ba naa lagmi a kani yau ni a yir ba dɔŋtima a ŋɔ ba, ‘Ya funɛ mo guro a du ma, amaa ma ka wa funɛ gɔ. Ya funɛ lɔ zɛɛm boolau, amaa ma tusa ka wa fun chɔk.’

Luk 7:34

N waa min nibine be funɛ wa a vɛ vɔu n nɔ, nara maga fun ŋɔ di, ‘Ma nyini baal nɔ. O ya pumpo tiinnɛ a la nyɔ sin kinkan. O ya lampo nilalɛ chɛnnɛ awa ba naa la tum tum tagna gbankore.’

Jɔn 10:20

Ba nidamata fun ŋɔ dɔŋ ni, “Baal nɔ, alizin tagin nyɛn o nyuhu ni ka o zu galɛŋa. Baŋnɛ ma chiŋi a nu di ma ya?”

Jɔn 8:48

Doone Ju tim ta fun ŋɔ Yesu ni, “Ya ŋɔɛɛ di i ya Samaria tim nidigirɛ ka alizin tagin kani i nyuhu ni, wuti laata ya sɛm?”

Jɔn 8:52

Ju tim ta fun ŋɔ, “Lalaknɔwa ya zim di i kpak alizin taginu. Hin ŋɔ ya di ba naa maga tiŋ i nɔ wa zi sou, amaa ya nawaal, Abraham, awa Koosa witinsi ta maga funɛ sitiu saha digi.

Tuma 2:13

Bɔnɛ ka fun mɔmsi Yesu gantɛl tiŋsi ta a ŋɔ dɔŋ ni, “Nara nama nyɔ sinnɛ a dɛɛsi.”