Luk 6:30 - Tampulma

³⁰ Nandigi sumi ma kundɔŋ, ma nyɛ un. Nandigi zer ma kin, ma ta nyɛ o kpa bur waali.

Luk 6:30 Marejeleo ya Msalaba

Mat. 18:35

Yesu funɛ sɛm a la mak o bɔ, o fun ŋɔ ba naa la nu chen, “Chen vɛɛna, ma vɛ gil nyɛ ma dɔŋtim ni ma bambe ni, mu kunyan Koosa naa nyɛn o tɔha ni gbanko wa zi gil nyɛ ma.”

Mat. 5:39

amaa n ŋɔ mau saha nɔ, nandigi ya wu tagin a nyɛ ma, ma ta bur ya wu tagin ti a nyɛ un. Nandigi mo ma nindil lɛha, nyɛ o mo ma ningal lɛha gbanko.

Mat. 6:12

aa gil ya taali a pɛŋ ya, ka ya ka gil aa pɛŋ ba naa laa tum ya wu tagna. ((

Luk 11:41

Ma zer ma diwe awa ma kinyɔɔlɛ ta a nyɛ fara tim ni. Ma ya chen, ma tusa wa zi bu kpak doŋa.

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 18:22

Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Luk 6:29

Nandigi mo ma nindil lɛha, ma nyɛ o mo ma ningal lɛha gbanko. Nar zer i takta wewe, ma nyɛ un ma takta zenzen a gbaari.

Luk 6:31

Ma tum wu were a nyɛ ma dɔŋtim ni a chi chenani maa daŋni ba tum kinyɛ ma.

Luk 6:38

Maa nyɛ ma dɔŋtima kina nawara ba daŋni, chen ni Koosa zi nyɛ ma gbanko kina nawara ma daŋniu. Koosa kpa o kina a nyɛ ma, o wara nyɛ ma kilok. O ka ya nyɛ mau a su hali a la gali. O zi tiŋ chen nyinbaanu a chi chenani maa tiŋ ma dɔŋtima chen.”

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.