Luk 6:28 - Tampulma

²⁸ Ma sumi Koosa di ba naa ŋɔ nɔɔsa a nyɛ ma na alaafɛ a sumi un a nyɛ ba naa la namsi ma.

Luk 6:28 Marejeleo ya Msalaba

Mat. 5:44

amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Luk 23:34

Ba funɛ tum chene, Yesu fun sumi Koosa a ŋɔ, “Nara nama wa zim chenani baa tum. Gil ba tum tagna a nyɛ ba.” Ba funɛ tum peti, ba fun kpa o gata a dau di ba yo walɛ di ba na anti kaa di a.

Luk 6:27

“Maa nu mu sɛm na nɛnɛ. Maa daŋni ma dɔma. Maa tum tum were a nyɛ ba naa ha ma ni.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Tuma 14:5

Doone Ju tim ta, ba nihɛɛta awa ba naa vɛ ya Ju tima ka ba se vɛ suuli, fun si a la chem ba wa yo ni a pini buŋkula a yaksi ba.

Tuma 7:60

O fun gbiri a sɛm ta zaŋ ni, “Mu kunyana, gil ba tum tagna naa ba tum a du min ni nan a nyɛ ba.” O funɛ sɛm chene a sou.

Room 12:14

Maa sumi Koosa di o nyɛ ba naa la namsi ma na alaafɛ, a ta ŋɔ nɔ a nyɛ ba.

1 Kɔr. 4:12

Ya bara wilim nɛɛ ya funɛ di. Nara yaa pini yau, amaa ya yaa sumi Koosau di o suŋi ba. Ba yaa muksi yau kinkan, amaa ya yaa kpak kanyitau ba wati.

Jems 3:10

Nɔ bɛgim tirɛ ya kpa a pɛgi Koosa. Warɛ ya vɛɛn kpa ŋɔ nɔɔsa a nyɛ nara ni. Mu niinbisa, chen wa deŋli.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.