Luk 6:25 - Tampulma

²⁵ Yɛrɛ o kaa wa du ma naa tiŋ ma tutɔ daŋnɛ lalaknɔ. Ma nisa kin naa ma kpa ma bambe a tiŋ, a zi wa petiu wuzu digi. Yesu o kaa wa du ma naa tusa sɔɔnɛ ni lalaknɔ. Ma tusa zi wa chɔku ka ma wi.

Luk 6:25 Marejeleo ya Msalaba

Luk 12:20

O funɛ peti chenani o lisi o bambi ni, Koosa fun wa ŋɔ un, ‘I ya nibin womnɛ. Dusum nɔ i zi sowu. I kin naa maga i kpa chiŋsi nan, a wa zi kpak wu digi wa hin.’ ”

Luk 13:28

Ma wa na Abraham, Aizik, Jakɔb awa Koosa witinsi ta maga Koosa koor ti tuhu ni ka ma waa chiŋi o bulzɔɔnɔ ti gantɛl ni, ma zi namsiu aa wi kinkan.

Luk 6:24

Yɛrɛ o kaa wa du ma naa vɛ daŋni Koosa suŋi ma lalaknɔ. O wa zi koti a wa dɔ ma.

Luk 6:26

“Nara maga yaa nyɛ ma sɔn weriu saha maga, yɛrɛ o kaa wa du ma ni. Ju tim nawaalsa yaa nyɛ witinsa ba naa vɛ zim Koosa sɔn were saha maga.”

Luk 8:53

Ba funɛ zimu di be ti sou. Chendaha ba fun a mɔmsi un.

Ɛfɛ. 5:4

O gbanko wa wer di ma sɛm nɔ tagna awa womsi sɛma a kizɔ wa a ni. Maa ka zaami Koosa saha maga.

1 Tɛs. 5:3

A saha naa nara yaa sɛm di alaafɛ nyɛnu ka ba vɛ ɔm kundɔŋ, muksi kinkan ya vaan wa pu ba lalaga. Ba nidigi wa zi li muksi ti ni. O zi jɛri bau a chi nihaan naa kpak lo. O wa kaa lul, wiili ti yaa jɛri unu.

Jems 4:9

Maa nyɛ ma tusa chɔk ka ma wi. Ma nyɛ ma mɔmsi burgi wiila awa ma tu sɔɔna ya tu chɔk.

JɔnN Deesi 3:17

Ma ŋɔ ma titi ni, ‘Ya ya kin timawa kinkan a vɛ daŋni kundɔŋ.’ Mu zi ŋɔ ma chenani ma duu wuti. Ma ya fara timwa kinkan a chi nyuluma ba naa laari kizɛrgɛ. Ba naa maga na ma, ma wɛ zi ya ba sikiu.