Luk 6:23 - Tampulma

²³ Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan a la gali. Chene Ju tim nawaalsa funɛ muksi Koosa witinsa, ba naa funɛ nyɛn saha digi, kinkan.

Luk 6:23 Marejeleo ya Msalaba

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

Luk 1:41

Ɛlizabɛt funɛ nu ka Mɛri zaami, o be ti fun si a go o tuha. A saha ti Koosa fun nyɛ o siim weri ti si Ɛlizabɛt ni,

Luk 1:44

N funɛ nu i zaami ti, n tuha funɛ sɔɔniu ka n be si a go mu tuha.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Tuma 14:10

a sɛm wa ta zaŋa ni, “Si a chiŋi.” Gbarigi ti fun vaan si za a chiksi a val a go.

Tuma 3:8

Kpok ti funɛ vaan wa zu un, o si za chiksi a val. Pita awa Jɔn funɛ la Koosa bar jɛɛmi dam ti, o tiŋ ba a za a chiksi a la pɛgi Koosa.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Room 5:3

Hali nara namsi ya, ya tusa gbanko zi sɔɔniu. Ya zimu di namsi ti nyɛ ya na kanyita.

2 Kɔr. 12:10

Nara pini min a nyɛ mu na namsi a la muksi min kinkan Yesu Kristo daha ka mu vɛ koti a nyini mu titi kpok se ni, mu tuha sɔɔnɛu.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

2 Tim. 2:12

Ya di ya namsi maga, wuzu digi ya wa un zi wa ya koorsau. Ya vɛ un, o gbanko zi vɛ yau.

Ju 11:26

O funɛ zimu di wuzu digi Koosa zi wa bɔ un o chimu. Chendaha o fun lisi di Ijipt tima pini o zoma a nyɛ o na namsi naa Koosa zi wa tum wuzu digi daha, chen fu bɔɛɛ wa o dɔ Ijipt tim wu were maga.

Ju 11:6

Nibine si vɛ su Koosa, o wa zi sɔɔni Koosa tuha. Naa la daŋni o zim Koosa, o lawa o nyɛ o si su di o nyɛnu a wa bɔ ba naa dɛu un.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 2:26

Ma kpak nɛnɛ a sɔɔni mu tuha hali a la tel o bɔ, mu zi vɔti ma mu koorsau ma dɔ tɛɛnɛ nɔ tim maga.

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 21:7

Ba naa maga kpak nɛnɛ hali a la tel o bɔ, mu zi nyɛ ba nyɔ dooniu. Mu zi ya ba Koosau ka ba ka ya mu bisa.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 3:5

Mu zi nyɛ ba naa kpak nɛnɛu hali a la tel o bɔ laari kipilimau ka mu zi nyɛ ba sɔna naa ba fun sɔbi aa du Koosa mi fali tɔn ti ni kpalimi dooni. Mu si sɛm mu nyana awa o malaikasi ta gbampulim niu a li ba suwachak ni di min dɔ ba.