Luk 6:22 - Tampulma

²² “Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.

Luk 6:22 Marejeleo ya Msalaba

Mat. 10:18

Ba zi wa kpa ma a la koorsa awa nihɛɛta suwachaku di ba di ma sɛria mu daha. Nan daha, ma zi na nyinbaanu a sɛm ba awa ba naa vɛ ya Ju tima Koosa laaboor weri ti wɛ.

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 10:39

Nar daŋni o kpak o titi miisa a ta namsi, o zi nyuksi unu. Nar nyuksɛ o miisa n daha, waa la zi bukoo kpak un.”

Luk 20:15

Ba fun la kpak un a kpu a lɛrgi un a li ŋma we ti ni. Ma zim chenani ŋma we ti tiina zi wa ya bauu?

Luk 21:17

Nara maga zi wa ha mau n sɔn daha.

Luk 6:21

Ma naa la daŋni kinkan di ma tiŋ Koosa tutɔ, o zi nyɛ ma tu sɔɔna lalaknɔ. Wuzu digi ma zi wa koti a tiŋ un hali a wa peti. Ma naa tusa chɔkɛɛ ma tum tagna daha, Koosa zi nyɛ ma tusa sɔɔniu lalaknɔ. Wuzu digi ma tusa zi wa sɔɔniu a la gali.

Jɔn 12:42

Ju tim nihɛɛ damata funɛ nyɛ ba se su Yesu, amaa ba wa fun nyɛ ba se su un a li gbampulim ni, domi ba funɛ ɔm Farisi tim tawa. Farisi tim ta zim chenani ba ya, ba zi duŋni bau a li ba bar lagmi dɛɛni ni.

Jɔn 16:2

Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

Jɔn 17:14

Sɛm naa maga i fun ŋɔ min chen, mu kpa au a ŋɔ ba. Tɛɛnɛ nɔ tim maga ha bau, domi ba wa ba wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Jɔn 7:7

Min la biksi nara ba yaa tum tum tagna. Chendaha ba ha min. Amaa ba ka wa ha ma.

Jɔn 9:34

Ba fun ŋɔ un, “Ba funɛ lul hin di i yaa kitum tum tagniwa. I kpa i nyuhurɛ a mo yaa?” Ba fun zaksi un a li ba bar jɛɛmi dɛ ti ni a ta.

Tuma 22:22

Zɛmɛ ta fun nu Pɔɔl sɛma hali o wa tel sɛm ta mun di ya kunyan ti funɛ tum un di o la ba naa vɛ ya Ju tim wati. Ba fun vaan tɛsi ta zaŋa a ŋɔ, “Ma kpa un kila a la kpu. O wa lawa o nyɛn.”

Tuma 24:5

Pɔɔl nɔ chiŋɛ i suwachak ni nan, yaa muksi ya narau a huusi ma Roman tima ma naa dɔ ya. Doonani maga o la, ka Ju tim ta nyɛn, o yaa nyɛ tɔhɔn ti damu. O gbanko ya ba naa la tiŋ Nazarɛt nar, nidigi nyuhu tiinnɛ.

Tuma 9:16

Mu zi biksi un chenani o zi biksi ba a na namsi kinkanu.”

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

1 Pita 3:14

Hali maa namsɛɛ di ma tum were daha, yɛrɛ ma tusa kaa wa sɔɔni? Chenani nibinsa zi wa ya ma, ma ta nyɛ hansura akoo muksi wa kpak ma.