Luk 6:13 - Tampulma

¹³ Chɔɔsa funɛ wa pisi, o fun yir o gantɛl tiŋsi ta ba wa o wati. O fun lisi ba nara fidalɛ ba tuhu ni a vɔti ba o nitumɛ.

Luk 6:13 Marejeleo ya Msalaba

Mat. 10:2

Nitumɛ nara fidalɛ na sɔna funɛ ya Simɔn (Yesu fun du un sɔn fali Pita), o niinbe Andiru, Jems awa o niinbe Jɔn, Zɛbɛdi bisa,

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Mat. 9:36

O fun nyini zɛmɛ ta, ba wɛ fun kpak un siki, domi muksi funɛ kpak ba kinkan ba daŋni suŋi. Ba funɛ chi piisisi naa vɛ kpak nigbaŋirɛ aa nyuksi.

Maak 6:30

Yesu nitumɛ fidalɛ, ba naa o fun tum chen, bur wa a ŋɔ un kin naa maga ba tum awa kin naa maga ba biksi nara ta.

Maak 6:7

Doone o fun a lagmi o gantɛl tiŋsa nara fidalɛ ta a wa tum ba nara balɛlɛ, a nyɛ ba kpok di baa kiduŋni alizin tagna a li nara ni.

Luk 11:49

Koosa naa ya zima tiina fun ŋɔ saha digi di o zi wa tum o witinsi ta awa o nitumɛ ta Ju tim watiu. O funɛ zimu di Ju tim ta zi wa kpu ba bɔnɛu a namsi ba bɔnɛ.

Luk 22:30

Wuzu digi ma wa min zi wa di diweu a li mu koor ti ni ka ma kani koorsa bar kanɛ ni di ma di Ju tim buri fidalɛ ti sɛria.”

Luk 6:14

Ba naa o fun lisi chen sɔna funɛ ya Simɔn (Yesu fun du un sɔn fali Pita), awa o niinbe Andiru, Jems, Jɔn, Filip, Bartɔlɔmi,

Jɔn 4:33

O gantɛl tiŋsi ta funɛ pɛɛsi dɔŋa, “Nandigi kpa diwe wa nyɛ un ka ya vɛ zimii?”

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

JɔnN Deesi 12:1

Doone dana zenzen fun nyɛn buudaha ni. Haan digi funɛ nyɛn doon. O wa o kilaarɛ fun chaani a chi nha, ka o naŋgere zɔŋ pɛn daha ni. Wula fidalɛ funɛ nyɛn nyuchik naa o fun chik chen ni.

JɔnN Deesi 18:20

Doone mu fun nu ta ka o ŋɔ, “Ma naa ya Koosa nitumɛ awa o witinsa wa ba naa maga nyɛn o tɔhɔn ti ni, ma nyɛ ma tusa sɔɔni kinkan domi tɔ zen ti chel daha. Waa funɛ na o galimsa a ta un yɔri ma daha.”

JɔnN Deesi 21:14

Ba fun kpa buŋkul fidalɛ a sɔbi piisi be ti nitumɛ nara fidalɛ sɔna a sak a ni a kpa a du chechepure ti zɛchik ni.