Luk 5:21 - Tampulma

²¹ Farisi tim ta awa Koosa chiksɛ nibiksɛ ta funɛ lisi ba bambe niu, “Baal nɔ, baŋ sɛmwa o sɛm chen? Anti la zi koti a gil nara wu tagna a nyɛ ba? See Koosa duŋduŋ la zi koti chen. O sɛm sɛma nan ni, o wara tiŋ Koosa nɔ. O kpa o titirɛ a maksi Koosa.”

Luk 5:21 Marejeleo ya Msalaba

Mat. 26:65

O funɛ ŋɔ chen, Koosa dam kɔkɔɔrsi ta nihɛɛ ti fun chɛsi chɛsi o gar a ŋɔ, “Yɛrɛ ya bukoo kaa ya a dɛu sɛhɛra tima? Ma maga fun a nu chenani o kpa o titi a maksi Koosa.

Mat. 9:3

Koosa chiksɛ nibiksɛ ta bɔnɛ funɛ nyɛn dooni a lisi ba tusa ni, “O sɛm sɛma nan ni, o kpa o titirɛ a chiŋsi Koosa bar chiŋi ni.”

Luk 3:8

Ma gil ma tum tagna a ka la tum tum were a biksi nara chenani ma bambe burgi. Ma ta lisi di chenani ma ya Abraham bi lulɛ, chen zi chiŋi ma tum were bar chiŋi niu. Ma nyɛ mu ŋɔ ma di Koosa koti a kpa buŋkul nama a burgi Abraham bi lulɛ.

Luk 5:17

Wuzu digi Yesu fun a biksi nara ka Koosa kpok nyɛn un ni o kpa un a tiibi wichɔɔrsa. Farisi tim ta awa Koosa chiksɛ nibiksɛ ba naa funɛ li Jɛrusalɛm awa tɔsi naa nyɛn Galili pulum awa Judia pulum ni, ba waa funɛ kani a nu o sɛma.

Luk 5:22

Yesu funɛ piin zimu o tuhu ni chenani ba lisiu a pɛɛsi ba, “Baŋnɛ maa lisi ma bambe ni nan ni?

Luk 7:49

Ba naa maga awa Simɔn wa Yesu funɛ kani a di diwe chene, ba fun ŋɔ dɔŋ ni, “Anti ya baal nɔ o koti a gil nara wu tagna a nyɛ ba nan?”

Jɔn 10:33

Ju tim ta fun ŋɔ, “Ya wara daŋni ya kpu hin i tum were daha. I ya nibinere a la pini Koosa zoma a kpa i titi a maksi un. Chendaha ya daŋni ya kpu hin.”

Room 8:33

Koosa wa bu na ba naa o fun lisi a nyɛ o titi ni galimsa. O ya chen, anti la zi koti a fiksi ba di baa tum tum tagniwa? Nandigi wa toli.