Luk 5:14 - Tampulma

¹⁴ Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔra a nyɛ hin a chi Mosis funɛ biksi ma saha digi chen. Chen la zi biksi nara di i zagumti ti petiu.”

Luk 5:14 Marejeleo ya Msalaba

Mat. 10:18

Ba zi wa kpa ma a la koorsa awa nihɛɛta suwachaku di ba di ma sɛria mu daha. Nan daha, ma zi na nyinbaanu a sɛm ba awa ba naa vɛ ya Ju tima Koosa laaboor weri ti wɛ.

Mat. 12:16

a fun ŋɔ ba di ba fiɛŋ ba ŋɔ o wɛ nandigi ni.

Mat. 8:4

Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ya saha digi chen. Chen la zi biksi nara di i zagumti ti petiu.”

Mat. 9:30

Ba se fun vaan lɛli ka ba na. Yesu fun tɛ ba nin a ŋɔ ba, “Ma fiɛŋ ma ŋɔ nandigi ni kinkin naa yɛɛ.”

Maak 1:44

I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hin. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ma saha digi chen. Chen la zi biksi nara di i zagumti ti petiu.”

Maak 6:11

Amaa ma wa zu tɔ digi ka tɔhɔn ti nara vɛ la ma duuli koo a vɛ nu nyɛ ma, ma li dooni, a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Luk 17:14

Yesu fun na ba a ŋɔ, “Ma la Koosa dam kɔkɔɔrsi ta digi wati o la nyini ma.” Ba fun burgi a kaali. Ba funɛ nyɛn nyinbaan ti ni a la chene, ba maga fun na alaafɛ.

Luk 5:13

Yesu fun kpa o nin a gbaŋsi un a ŋɔ, “N daŋni i na alaafɛu. N tiibi hinu.” O funɛ ŋɔ chen ni, zagumti ti vaan gil un ka o na alaafɛ.

Luk 9:5

Amaa ma wa zu tɔ digi ka tɔhɔn ti nara vɛ la ma duuli, ma li dooni a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”