Luk 4:43 - Tampulma

⁴³ Yesu fun ŋɔ ba, “O lawa mu si a la suwachak tɔ wisa a naa kaɛɛ, chen ni n zi la ŋɔ ba Koosa wɛu ba nu. Chendaha n fun wa.”

Luk 4:43 Marejeleo ya Msalaba

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Maak 1:35

Zimal hɛɛta yeligi saha, Yesu funɛ siu a li tɔhɔn ti ni a kaali bar digi o duŋduŋ di o la sumi Koosa dooni.

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Jɔn 9:4

Lalaknɔwa nyinbaan puk a nyɛ ya di yaa tum tuma a nyɛ naa funɛ tum min ni chen. O wa zi vusi ka nyinbaan ti tɔ ya bu vɛ koti a tum wu digi.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.