Luk 4:41 - Tampulma

⁴¹ Yesu funɛ duŋni alizin tagni ta a li nara ta ni. A fun a tɛsi a ŋɔ, “I ya Koosa bere.” A funɛ zimu di waa ya Kristo naa Koosa fun ŋɔ di o zi wa tumu wuzu digi. Yesu fun ŋɔ a di a gil chɛɛma.

Luk 4:41 Marejeleo ya Msalaba

Mat. 26:63

Yesu fun moori. O fun ŋɔ un, “Mu daŋni i hɛɛsi Koosa naa nyɛn nan daharɛ a sɛm min wuti. I laata ya Koosa be, Kristo tii?”

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Mat. 8:16

Nha funɛ wa chel, tɔhɔn tima kpa ba wichoorsa awa ba naa alizin tagna nyɛn ba ni a wa Yesu wati. O fun ŋɔ alizin tagni ta ni a duŋni a a ta a tiibi wichɔɔrsi ta maga.

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Mat. 8:4

Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ya saha digi chen. Chen la zi biksi nara di i zagumti ti petiu.”

Maak 1:25

Yesu fun ŋɔ alizin tagin ti ni, “Gil chɛɛma a kili baal ti ni.”

Maak 1:32

Nha funɛ chel chen, tɔhɔn ti tima kpa ba wichɔɔrsa awa ba naa alizin tagna nyɛn ba ni a wa Yesu wati.

Maak 1:34

Yesu fun tiibi nara kinkan, ba naa kpak wichɔɔr ta a duŋni alizin tagna kinkan a li nara ni. Alizin tagin tima maga funɛ piin zim unu. Adaha Yesu wa fun nyɛ ba sɛm wu digi.

Maak 3:11

Hali ba naa alizin tagna fun nyɛn ba ni ka ba na un, ba yaa chel tɛɛnɛ nɛɛ o suwachak ni a tɛsi kinkan a ŋɔ, “I ya Koosa bere.”

Luk 4:39

Yesu fun zu o dɛ ti a ŋɔ un, “N daŋni i na alaafɛu.” O funɛ ŋɔ chen, o kabilima ti peti. O fun vaan si a piili a ya diwe di o nyɛ ba.

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jems 2:19

Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.