Luk 4:34 - Tampulma

³⁴ “Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yaa? Min zim di i ya tu chaan tiina. I ya Koosa bere.”

Luk 4:34 Marejeleo ya Msalaba

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Maak 1:24

“Hee, Yesu Nazarɛt nar, baŋnɛ ii daŋni ya wati? I wa bar nɔ di i wa chɔk yau. Mu zimu di i ya tu chaan tiinne. I ya Koosa bere.”

Maak 1:34

Yesu fun tiibi nara kinkan, ba naa kpak wichɔɔr ta a duŋni alizin tagna kinkan a li nara ni. Alizin tagin tima maga funɛ piin zim unu. Adaha Yesu wa fun nyɛ ba sɛm wu digi.

Maak 5:7

Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Luk 4:33

Doone baal naa alizin tagin fun kani o nyuhu ni chen digi fun wa ba bar lagmi dɛ ti a tɛsi kinkan a ŋɔ,

Luk 4:41

Yesu funɛ duŋni alizin tagni ta a li nara ta ni. A fun a tɛsi a ŋɔ, “I ya Koosa bere.” A funɛ zimu di waa ya Kristo naa Koosa fun ŋɔ di o zi wa tumu wuzu digi. Yesu fun ŋɔ a di a gil chɛɛma.

Luk 8:28

Nara yaa fun kpa zɔglɛ a vɔti o naŋgere awa o nisa hali ba wa ku, amaa alizin tagni ta yaa fun siu a kasi a maga a duŋni un o kaali nyabaan. Yesu funɛ wa li arŋ ti ni, baal ti fun chɔ a wa gbiri o suwachak ni a zaami un. Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “Baŋnɛ ii daŋni n wati, i waa Yesu, Koosa zen be? Kinyini Koosa a gil mu muksi.”

Luk 8:37

Ba funɛ nu ba sɛm chen, hansura fun kpak ba maga kinkan. Ba fun wa sumi Yesu di o li ba pulum ni. Saha naa o fun si a la zu arŋ ti chen,

Tuma 16:39

Ba fun si a la ŋɔ Pɔɔl awa Sailas ni di ba gil ba tum tagna a nyɛ ba. Doone sɛria nidiile ta fun te ba suwachak a li dɛ ti ni a sumi ba di ba li ba tɔhɔn ni.

Tuma 2:27

Mu zimu di o wa zi nyɛ mu kpalimi mu sou ni. O wa zi nyɛ o tumtum naa o fun lisi bara pɔ.

Tuma 3:14

Ma ka fun sumi un di o kpa nara nikpuuli a nyɛ ma. Yesu nɔ funɛ ya tum were nitumirɛ ka Koosa fun lisi un di o tiŋ o tutɔ.

Tuma 4:27

Chen vɛɛna, Hɛrɔd awa Pontius Pailɔt wa Ju tim ta wa ba naa vɛ ya Ju tima fun lagmi dɔŋ ni a go i be Yesu ni. I funɛ lisi un di o ya i tumtumna awa naa i fun ŋɔ di i zi wa tumu wuzu digi.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

Jems 2:19

Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.

1 Jɔn 3:8

Ba naa maga la tum tum tagna, ba ya sintana bisiwa. Sintana funɛ tum tum tagnau a li piili ti ni hali wa zinan. Chendaha Koosa fun nyɛ o be wa tɛɛnɛ nɔ maga a wa chɔk sintana tuma.

JɔnN Deesi 20:2

O fun kpak sel zen sɛm naa funɛ te duŋni nihaan ti a vɔu un wa zɔgli ti ni hali bun tusuga. Waa ya sintana naa ba yir dum ti a nyɛn a vusi a ya alizin tagna koora.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.