Luk 4:22 - Tampulma

²² Yesu sɛm were fun ya ba lɛmlɛm ka alaazibu fun kpak ba kinkan. Ba bɔnɛ ka fun ŋɔ dɔŋ ni, “Baal nɔ, o wa ya Josɛf beree?”

Luk 4:22 Marejeleo ya Msalaba

Luk 2:47

Ba naa maga funɛ nyɛn dooni a nu chenani o sɛm ba wa nɛha sɛm ni, alaazibu fun kpak ba kinkan.

Luk 2:48

O nyan ti awa o niin ti funɛ na un, alaazibu fun kpak ba gbanko kinkan. O niin ti fun ŋɔ un, “N be, yɛrɛ i ya ya nan? I nyana awa min nyini i bar nyɛni a vusi. I namsi yau kinkan.”

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Luk 4:21

O fun bukoo ŋɔ ba, “Sɛm naa n karimi a nyɛ ma zinan nan, min nyɛ a ya wuti.”

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Jɔn 6:42

Ba fun ŋɔ dɔŋ ni, “Baal nɔ, laata ya Yesu, Josɛf be ti, chenn? O nyana awa o niina laata ya zim chenn? Ka yɛrɛ o sɛm di o funɛ li Koosa tɔhɔn tirɛ?”

Jɔn 7:46

Lanjimasa ta fun ŋɔ ba, “Baal nɔ sɛma kaali chen naa maga ya nu.”

Tuma 6:10

Koosa siim weri ti funɛ suŋi Stivin o sɛm nɛha sɛma a nyaŋi ba.

Tait. 2:8

Kpa wuti sɛma aa biksi ba, chen ni i dɔma wa zi koti a ŋɔ di i tum galimsau. I sɛm chen, hiisa zi kpak bau.