Luk 4:18 - Tampulma

¹⁸ “Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Luk 4:18 Marejeleo ya Msalaba

Mat. 11:5

Nyuluma bukoora nau, gbarigisa val, ka muu tiibi zaguma gbanko. Diŋgbiti tima gbanko nuu ka mu fun lɛli nara a li ba sou ni. Fara tim nɛɛ mu gbanko fun sɛm Koosa laaboor weri ti a nyɛ.

Mat. 12:18

O funɛ sɔbiu di Koosa ŋɔ, “Mu tumtumna nɛɛnɛ, naa mu fun lisi a nyɛ mu titi ni. Mu daŋni unu. Waa la ya min lɛmlɛm kinkan. N zi kpa mu siim weri tiu a du un ni, chen ni o zi biksi ba naa vɛ ya Ju tima chenani Koosa daŋni o nyɛ ba nyinbaan deŋli o suwachak ni.

Mat. 12:20

O zi wa suŋi fara tima ba naa chi kɔ borke chenu. O zi wa kpa o kpok a nyɛ jɛɛgɛ tima ba naa chi fitin nyiksi ni. O wa zi wa gil nan yaali hali o biksi ti wa di.

Mat. 4:16

Ma waa vɛ zim Koosa a la tum tum tagna saha maga. O chi ma nyɛn birsi nɛɛ, amaa lalaknɔ chɔɔsa pisu ma wati.”

Mat. 5:3

O fun ŋɔ, “Ba naa zimɛɛ di ba daŋni Koosa suŋi ba, o zi wa dɔ bau a nyɛ ba tu sɔɔna.

Luk 4:17

Nara tima nidigi fun puk tɔn naa Koosa witiina Aizaya fun sɔbi chen bar digi a nyɛ Yesu ni. O fun karimi a ŋɔ,

Luk 6:20

Yesu funɛ tiibi wichɔɔrsi ta peti, o funɛ burgi a ŋɔ o gantɛl tiŋsi ta ni, “Ma naa zimɛɛ di ma daŋni Koosa suŋi ma, o zi wa dɔ mau a nyɛ ma tu sɔɔna.

Luk 7:22

Yesu fun ŋɔ ba naa Jɔn tum chen ni, “Ma bur kila gantɛl a la ŋɔ Jɔn ni chenani ma nu a na. Nyuluma bukoora nau, gbarigisa val, ka mu tiibi zaguma gbanko. Diŋgbiti tima gbanko nuu, ka n fun lɛli nara a li ba sou ni. Fara timnɛɛ mu gbanko fun sɛm Koosa laaboor weri ti a nyɛ.

Jɔn 1:41

Andiru funɛ bur a kaali o dama, o fun vaan kaali Simɔn wati a ŋɔ un, “Ya fa na Kristo naa Koosa fun ŋɔ di o zi wa tum wuzu digi chenu.”

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 4:26

Tɛɛnɛ nɔ maga koorsa funɛ saksiu awa ba nihɛɛta funɛ lagmi dɔŋ ni di ba chem ya kunyana Koosa awa naa o fun vɔu di o zi wa tumu wuzu digi chen a li laal ni.’

Tuma 4:27

Chen vɛɛna, Hɛrɔd awa Pontius Pailɔt wa Ju tim ta wa ba naa vɛ ya Ju tima fun lagmi dɔŋ ni a go i be Yesu ni. I funɛ lisi un di o ya i tumtumna awa naa i fun ŋɔ di i zi wa tumu wuzu digi.

Kɔl. 1:13

O fun a yisi ya a li sintana naa nyɛn birsi ni, nin awa kpok ni, a kpa ya a la du o be daŋni koor ti ni.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.