Luk 24:44 - Tampulma

⁴⁴ Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Luk 24:44 Marejeleo ya Msalaba

Mat. 1:22

Kin naa maga funɛ ya chenani Koosa witinsi ta digi fun sɔbi a li Koosa sɛm tɔn ti ni saha digi zi wa ya wutiu.

Mat. 16:21

Chen saha ti kpa la, Yesu fun a biksi o gantɛl tiŋsi ta a ŋɔ ba, “O lawa mu la Jɛrusalɛmu. Doonee tɔhɔn nihɛɛta awa Koosa dam kɔkɔɔrsi ta awa Koosa chiksɛ nibiksɛ ta zi wa nyɛ mu namsiu kinkan ka ba kpu min. Amaa wuzu butora wuzu n zi si a li mu sou niu.”

Mat. 26:54

Mu ya chen, kin nawara ba fun a sɔbi n wɛ a li Koosa sɛm tɔn ti ni chen, wa zi wa ya wuti.”

Mat. 26:56

Chenani Koosa witinsi ta fun sɔbi saha digi a li o sɛm tɔn ti ni, chen la ya zinan.” Doone o gantɛl tiŋsi ta maga fun si chɔ kaali a ka un.

Maak 9:31

domi o funɛ biksi o gantɛl tiŋsi ta kin naa la zi wa yau. O fun ŋɔ, “Ba zi wa kpa n waa nibine beu a du ba naa la zi wa kpu min nin niu. Amaa ba wa kpu min, wuzu butora wuzu n zi si mu sou niu.”

Luk 21:22

Koosa kaa wa di Ju tim ta sɛria chene, sɛm naa maga ba fun sɔbi a du o sɛm tɔn ti ni, chen zi wa ya wutiu.

Luk 22:37

Ma nyɛ mu ŋɔ ma di chenani ba fun sɔbi mu wɛ a li Koosa sɛm tɔn ti ni, chen zi wa ya wutiu. Ba funɛ ŋɔ di, ‘Ba kpa min a gbaari ba naa la tum tum tagna chen ni.’ ”

Luk 24:46

a ŋɔ ba di ba sɛm di naa Koosa vɔu di o tum chen zi wa namsiu a sou ka Koosa lɛli un a li o sou ni wuzu butora wuzu.

Luk 9:22

Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min, amaa wuzu butora wuzu n zi si a li mu sou niu.”

Luk 9:44

“Ma ta suglɛ chenani mu ŋɔ ma. Ba zi wa kpa n waa nibine beu a du nara nisa ni.”

Jɔn 3:14

“Ju tim nawaal, Mosis, funɛ kpa lugiu a kɔɔri dum a kpa du da ni a fun zer un a tɛ Ju tim bambaan ni a li nyabaan ni. Chene ba zi wa kpa n waa nibine be a kpaasi mari daakakli ni a zer min baŋ,

Jɔn 5:39

Ma yaa karimi Koosa sɛm tɔn ti saha maga. Ma karimi ti nyɛ ma se su di ma zi na mi fali naa vɛ kpak bɔu. Amaa o sɛm tɔn ti biksi ma mu wɛ.

Jɔn 5:46

amaa ma se wa su un. O funɛ sɔbi mu wɛu a li Koosa sɛm tɔn ti ni saha digi. Ma se su un, ma zi nyɛ ma se su minu.

Tuma 13:33

ya chenani o fun lɛli Yesu a li o sou ni a nyɛ ya naa ya ba bi lulɛ ni chen. Ba funɛ sɔbiu a li Koosa sɛm tɔn ti bar digi naa ba yir Saams chen ni di Koosa ŋɔ, ‘Zinan mu fa biksi narau gbampulim ni di mu ya i nyana.’

Tuma 13:40

Ma doso chenani Koosa witinsi ta fun sɔbi a li Koosa sɛm tɔn ti ni wa zi wa ya ma.

Tuma 2:27

Mu zimu di o wa zi nyɛ mu kpalimi mu sou ni. O wa zi nyɛ o tumtum naa o fun lisi bara pɔ.

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.

Tuma 7:37

Mosis nɔ fun ŋɔ Ju tim ta ni, ‘Koosa zi lisi witinsi ta digiu a li ma ni a tum un ma wati a chi chenani o fun tum min ma wati nan.’

Ju 10:1

Koosa chiksɛ naa nyɛ Ju tim ta yaa fun kɔɔri kɔɔra a nyɛ Koosa ni bun kam, wa koti a yisi ba naa wa o wati, a li ba tum tagna ni hali a wa peti. Chendaha a waa ya kibirige naa Kristo zi ya nyɛ ya simsimsa duŋduŋ.

Ju 3:5

Mosis funɛ nyini Koosa dam walɛ nɛnɛ, amaa o funɛ ya Koosa tumtumnɛ. O fun te biksi ba chenani Koosa zi wa tum wuzu digi.

Ju 7:1

Mɛlkizidɛk funɛ ya Koosa naa zenee, dam kɔkɔɔra a nyɛn saha digi. O funɛ ya tɔhɔn naa ba yir Selɛm, koorre. Wuzu digi Abraham fun la chem laal a kpu koorsa. O funɛ nyɛn nyinbaan ni a la dama chen, Mɛlkizidɛk fun la chem un a sumi Koosa a du un ni.

Ju 9:8

Koosa siim weri ti biksi ya a li kin nama ni di lɛu ti zɔɔnɔ dɛ ti funɛ tɔ nara tima nyinbaan, chen ni ba wa zi koti a zu doonani Koosa fun lisi kinkan.

1 Pita 1:11

Koosa siim weri naa funɛ nyɛn ba ni, fun a biksi ba di wuzu digi Kristo zi wa namsiu a sou a si a li o sou ni a na jirima kinkan a li Koosa wati. Ba funɛ lisi kin nama wɛ a kpaŋi a dɛu saha naa Kristo zi wa wa.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.