Luk 24:39 - Tampulma

³⁹ Ma nyini mu nisa awa mu naŋgere a zim di minnɛ. Ma gbaŋsi min ma zi zimu ma bambe ni di mu wa ya lɛlɛ. Lɛlɛ wa kpak bara a chi mu bara na.”

Luk 24:39 Marejeleo ya Msalaba

Luk 23:46

Doone Yesu fun tɛsi kinkan a ŋɔ, “Mu kunyana, n kpa mu siima a du i nin niu.” O fun sɛm sɛm ta peti a sou.

Luk 24:38

O fun ŋɔ ba, “Yɛrɛ ma nyɛ hansura kpak ma a la gali? Yɛrɛ maa beeli di o ya minnɛ?

Luk 24:40

O funɛ sɛm chene, a kpa o nisa awa o naŋgere a biksi ba.

Jɔn 20:20

O fun pogli o nisa a biksi ba a burgi o chakpala di ba na. Ba funɛ zim di waa ya ba kunyan ti, ba tusa sɔɔni kinkan.

Jɔn 20:25

O funɛ bur wa doonani Yesu gantɛl tiŋsi ta lagmi chen, ba fun ŋɔ un, “Ya na ya kunyan tiu.” Tɔmas fun ŋɔ ba, “Mu si wa zi su di o si o sou niu see mu na doonmani ba fun kpaasi o nisa ni chen a kpa mu nin a gbaŋsi a a bu kpa mu nin a tau o lɔgum hɛn ti ni.”

Jɔn 20:27

Yesu fun chiŋi a ŋɔ Tɔmas ni, “Kpa i nin a gbaŋsi doonmani ba fun kpaasi chen a bu kpa i nin a tau mu lɔgum hɛn ti ni. Ta beeli a nyɛ i si su di mu si mu sou nɛɛ.”

Tuma 1:3

Saha naa Koosa fun lɛli un a li o sou ni hali a la tel saha naa o fun bu zer un a zini o tɔhɔn ti, funɛ ya wuzu fumnaasiwa. Chen saha ti Yesu nitumɛ ta fun bu na Yesu bu damata, ba wa fun bura beeli un di o ya warɛ. O wa ba funɛ lagmi nyɛn, o fun biksi ba chenani Koosa zi wa dɔ nara.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

Ju 12:9

Ya titi nyama funɛ buksi ya ka ya nyɛ ba jirima. Koosa naa ya ya nyana gbanko a kpa o mi fali ti a nyɛ ya, buksi ya, o lawa ya nyɛ un jirimau a kaali chenani ya nyɛ ya nyama wa jirimau.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.