Luk 24:20 - Tampulma

²⁰ Ya Koosa dam kɔkɔɔrsi ta awa ya nihɛɛti ta fun kpa un a la du Pailɔt nin ni di o di o sou sɛria a kpaasi un a mari daakakli ti ni o sou.

Luk 24:20 Marejeleo ya Msalaba

Mat. 23:33

Ma nawaalsa funɛ chi dumwa. Chendaha ma chi ba. Koosa wa wa di o wa di tɛɛnɛ nɔ maga tima sɛria, o zi wa na ma galimsau a kpa ma du din dam ti ni. Yɛrɛ ma kaa wa ya a chɔ li dooni?

Mat. 27:20

Koosa dam kɔkɔɔrsi ta awa tɔhɔn nihɛɛti ta fun ŋɔ zɛmɛ ta ni di ba sumi Pailɔt o yisi Barabas a kpu Yesu.

Maak 15:1

Chɔɔsa funɛ wa pisi, Koosa dam kɔkɔɔrsi ta, tɔhɔn nihɛɛti ta, Koosa chiksɛ nibiksɛ ta awa sɛria nidiile, ba fun lagmi a na dɔŋa Yesu daha. Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Luk 22:66

Chɔɔsa funɛ pisi, Koosa dam kɔkɔɔrsi ta awa Koosa chiksɛ nibiksɛ, ba naa funɛ ya Ju tim sɛria nidiile, fun a lagmi dɔŋ ni. Ba fun kpa Yesu a chiŋsi ba suwachak ni.

Luk 23:13

Saha tirɛ Pailɔt fun yir Koosa dam kɔkɔɔrsi ta awa tɔhɔn nihɛɛti ta awa zɛmɛ ta ba lagmi o wati.

Tuma 2:23

Waa funɛ ya naa ma kpak a du tum tagna nitumɛ nisi ni chen di ba la kpaasi un a mari daakakli ti ni o sou chen. Koosa funɛ te zimu di ma zi ya chenu. O funɛ ya o tutɔrɛ di o sou chen ni.

1 Tɛs. 2:15

Ju tim ta funɛ kpu ya kunyan Yesu, ka ba bɔnɛ fun kpu Koosa witinsi ta. Ba bɔnɛ fun bukoo a namsi ya kinkan a duŋni ya a ta. Nara nama wa fun sɔɔni Koosa tuha. Ba ya nara maga dɔmwa.